ISAÍAS 16:3 - Dios Rimashcata Quillcashcami

³ Allita cunaichic, allita yuyarinacuichic. Chaupi punzha cacpipish, cancunapac llanduhuan amsa tuta shinata ruhuaichic. Miticushpa puriccunata pacaichic. Ama piñaccunaman cuichicchu.

ISAÍAS 16:3 Referans Kwoze

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

1 REYES 18:4

Jezabel Mandac Dios ima nishcata huillaccunata huañuchicucpica, Abdiasmi chai huillaccunamantaca patsac runacunata apashpa pichca chungataca shuc jatun jutcupi, caishuc pichca chungataca shuctac jatun jutcupi pacarca. Shina pacashpaca, tandata, yacutapish cararcami.

HEBREOS 13:2

Huasiman chayaccunata alli chasquinguichic. Maijancunaca pi cashcata mana yachashpa chasquishpami, angelcunata chasquishca carca.

SAN MATEO 25:35

Ñuca yarcaihuan cacpica, cararcanguichicmi. Yacunayaihuan cacpipish, ubiachircanguichicmi. Samarinata mana charicpipish, pozachircanguichicmi.

ZACARÍAS 7:9

«Tucuita Mandac Dios ñucaca: “Cashcata ruhuashpa taripanguichic. Tucui mashna cuyanacuichic, llaquinacuichic.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

JEREMÍAS 22:3

Mandac Diosca: Imatapish allita, cashcata ruhuachic. Llaquihuan causac runata llaquichic runapac maquimanta cacharichichic. Shuctac llacta runacunatapish, taita mama illac huahuacunatapish, viudacunatapish ama llaquichichicchu. Mana faltayuc runata huañuchishpa, ama yahuarta jichaichicchu.

JEREMÍAS 21:12

Davidpac huasi ucupurataca: Ima llaquicunataca tucui tutamanta allichichic. Llaquichishca runataca llaquichic runapac maquimanta cacharichishpa, allita ruhuaichic. Cancuna mana allita ruhuashcamanta nina japiric shina, ñuca ama piñarichunmi chashna ruhuana canguichic. Chai ninataca pipish mana huañuchi pudingachu.

ISAÍAS 56:8

Caita chaita rishca israelcunata tandachic Mandac Diosca: «Ñucaca tandachishcamanta yalli achcatami caiman cutin pushamusha.

ISAÍAS 25:4

Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

ISAÍAS 1:17

allita ruhuanata yachacuichic. Allita mandanata munaichic. Llaquichic runata rimaichic. Taita mama illac huahuacunatapish, viuda huarmitapish ayudaichic» ninmi.

JUECES 9:15

Shina nicpimi, zarza yuraca: “Cancuna ñucata jatun mandac cachun nicushpaca, ñuca cuchupi llanduringapac shamuichic. Mana ñucata mandac cachun nicpica, ñucamanta nina llucshishpami Líbano urcucunapi tiyac tucui cedro yuracunata rupachinga” nirca.

ISAÍAS 58:7

Yarcaihuan caccunaman caranami canguichic. Huasita mana chariccunata pozachinami canguichic. Churana illaccunaman churachinami canguichic. Cambac huauquita ayudanami canguichic.