ISAÍAS 16:2 - Dios Rimashcata Quillcashcami

² Moab llactapi causaccunaca volac animal mancharishpa, cuzhata shitashpa ric shinami, Arnón ashalla yacu ladopica canga.

ISAÍAS 16:2 Referans Kwoze

PROVERBIOS 27:8

Quiquin huasita saquishpa caruyac runaca shuc urpi cuzhata shitashpa ric shinami.

JUECES 11:18

Quipaca shitashca pambata rishpami Edompac llactata, Moabpac llactata muyushpa inti llucshina ladota rishpa Arnón yacu cuchullapi carpata shayachishpa tiyarirca. Arnón yacu moabitacunapac llactapi cacpimi chai llactaman mana yaicushpa chaillapi tiyarirca.

JEREMÍAS 48:20

Moab llactaca llaqui tucushpami pingai tucushca. Paimanta caparishpa huacaichicyari. Moab llacta tucurishcata Arnón yacu patapi causaccunamanpish huillaichicyari» ninmi.

ISAÍAS 13:14

Tucuimi mancharishca taruga shina, michic illac ovejacuna shina, paicunapac pueblocunaman, paicunapac llactacunaman miticushpa cutinga.

JOSUÉ 13:16

Paicunapac allpataca Arnón yacu ladopi tiyac Aroer pueblomantaca jatun pamba chaupipi tiyac pueblotapish, shinallatac tucui urcu pambacunatapishmi Medeba pueblocaman carca.

DEUTERONOMIO 3:12

Chai huatacunapi ñucanchic japishca llactacunataca Amón yacu patapi tiyac Aroermantaca Galaad urcu chaupicamanmi Galaadpac aillucunaman, Rubenpac aillucunaman curcani.

DEUTERONOMIO 3:8

Chai punzhacunapica Arnón jatun yacumantaca Hermón urcucamanmi amorreocunapac ishcai jatun mandacmantaca allpata quichurcanchic. Chai llactacunaca Jordán yacumanta chimba ladomanmi carca.

DEUTERONOMIO 2:36

Arnón jatun yacu patapi tiyac Aroermanta callarishpa, pambacunapi tiyac pueblocunata, Galaadpi tiyac llactacunacamanmi Mandac Diosca ñucanchic maquipi churarca.

NÚMEROS 21:29

¡Aij, Moab llactalla! Quemos diosta adoraccunaca tucurishcami. Paipac churicunaca miticushpami callparca. Paipac ushicunataca amorreocunata jatun mandac Sehonmi prezurca.

2 REYES 3:4

Moab llactata jatun mandac Mesaca achca animaltami charirca. Paica Israel llactata jatun mandac Acabmanca patsac huaranga maltón cari ovejacunata, patsac huaranga manarac rutushca ovejatami cuc carca.

PROVERBIOS 26:2

Zhutacuna atishpa ric shina, golondrina volac shinami, maldiciashcaca mana yanga shamun.

JEREMÍAS 48:9

Moab llacta volashpa richun alasta cuichicyari. Chaipi tiyac llactacunaca shitashca pambami saquirigrin. Shuc runallapish mana tiyangachu» ninmi.

JEREMÍAS 48:46

¡Aij, Moablla! Quemos diosta yuyaric gentecunaca tucurishcami. Churicunapish, ushicunapish shuctac llactamanmi prezu rishcacuna.