ISAÍAS 16:1 - Dios Rimashcata Quillcashcami

¹ Shitashca pambapi tiyac Sela llactamantaca Sión urcupi causac llactata mandacman maltón cari ovejata cachaichic.

ISAÍAS 16:1 Referans Kwoze

ISAÍAS 10:32

Cunanllatacmi Nob llactaman shamushpa, Jerusalenpi tiyac Sión urcu ladoman maquita chutanga.

2 REYES 3:4

Moab llactata jatun mandac Mesaca achca animaltami charirca. Paica Israel llactata jatun mandac Acabmanca patsac huaranga maltón cari ovejacunata, patsac huaranga manarac rutushca ovejatami cuc carca.

2 REYES 14:7

Amasiasca chunga huaranga edomitacunatami Cachi cucha pambapi huañuchirca. Chai macanacuipimi Sela pueblota quichushpa Jocteelta shutichirca. Chai puebloca cunancamanmi chai shutillatac can.

2 SAMUEL 8:2

Shinallatac moabitacunatapish atishpami, pambapi sirichishpa huascahuan medirca. Ishcai huasca jundata medicpica huañuchircami. Shuc huasca jundata medicpica, mana huañuchircachu. Moabitacunaca Davidta servic tucushpami, Davidman impuestota cushpa causarca.

ISAÍAS 42:11

Shitashca pambapish, chaipi tiyac llactacunapish, chai muyundipi causac Cedar aillucunapish alabaichicyari. Sela llactapi causaccunapish, yallita cushicushpa urcucunaman llucshishpa cantaichicyari.

ESDRAS 7:17

Chai cullquihuanca Jerusalenpi cac cancunapac Diospac huasipi tiyac altarpi Diosman cushpa rupachingapac becicunata, cari ovejacunata, maltón ovejacunata, rupachina harinahuan, tallina vinohuan mana cungarishpa randingui.

MIQUEAS 4:8

Ovejacuna shayana jatun torre shina Jerusalenlla, Sionpi causaccunapac sinchi torre shinami cangui. Utcapi shinallatacmi Jerusalenpi causaccunataca mandangui» ninmi.

EZEQUIEL 45:16

Tucui cai llactapi causaccunami cai ofrendata Israel llactata mandacman cuna can.