ISAÍAS 14:32 - Dios Rimashcata Quillcashcami

³² Llacta huillaccuna tapucpica, ¿imatatac nishun? Chaica: Mandac Diosmi Sión urcutaca churarca. Chaipimi llaquilla causac pai acllashcacunaca miticunga ninami canga» nirca.

ISAÍAS 14:32 Referans Kwoze

SALMOS 102:16

Mandac Diosmi Siontaca shayachinga. Paipac sumaimanami ricuringa.

SALMOS 87:5

Sionmantaca: «Caipish, chaipish chai pueblopimi huacharishca» nishami. Jahua pachapi causac Diosllatacmi chai pueblotaca sinchiyachinga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

SALMOS 87:1

Sión pueblo callari rumicunaca Diospaclla urcupimi.

ISAÍAS 25:4

Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

ZACARÍAS 11:11

Chai punzhami ari nishcata pactachinaca tucurirca. Chashna paquicpimi, ovejacunata randic ñucata ricushpa shayacuccunaca Mandac Diospac rimashcata yachac chayarca.

ISAÍAS 44:28

Ñucami mandac Cirotaca: “Canmi ñuca ovejacunata michingui. Ñuca tucui imata ruhuachun nishcatami ruhuangui. Jerusalenta cutin allichi nicpi, ñuca huasitapish shayachi” nicpica, chashnami ruhuangui» ninimi.

ISAÍAS 39:1

Chai punzhacunapimi Babilonia llactata jatun mandac Baladanpac churi Merodac-baladanca Ezequías ungushpa, alliyashcata yachai chayarca. Chaimantami quillcanatapish, shuctac caranacunatapish cuchun cacharca.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

ISAÍAS 4:6

Paimi punzha inti rupachinamantaca llandunga. Jatun tamya huairamantapish ucllac shinami pacanga.

SALMOS 102:28

Canta serviccunapac huahuacunaca cambac maquipimi mana manchashpa causanga. Paicunapac huahua huahuacunatapish cambac ñaupamantaca pi mana anchuchingachu.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

ZACARÍAS 11:7

Chaimantami randiccuna huañuchina ovejacuna shina, ovejacunata michicurcani. Michingapacca ishcai tauna caspitami japircani. Shuc taunataca Cuyai, caishuctaca Tandanacuitami shutichircani. Shinami chai ovejacunata michicurcani.

ISAÍAS 54:11

Mandac Diosca: «¡Jerusalenlla, canca huairahuan, tamyahuan llaquichishcami pipish mana cushichishca llaquilla causangui! Ñucami cantaca callaripi turquesa rumicunata churashpa shayachisha. Pircata callaringapacca zafiro rumicunatami churasha.

ISAÍAS 37:32

Maijan saquirishcacunaca Jerusalenmanta, Sión urcumantami llucshinga. ¡Tucuita Mandac Dios yallita cuyashcamantami chaitaca pactachinga!

ISAÍAS 37:9

Chai quipami jatun mandacca: «Etiopía llactata jatun mandac Tirhacami paihuan macanacungapac shamun» ninacucta uyarca. Chaita uyashpami, paipac huillaccunata Ezequiaspacman cachashpaca:

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

ISAÍAS 11:4

Ashtahuanpish huacchacunataca cashcata ruhuashpami taripanga. Llaquilla causaccunataca alli ricushpami mandanga. Cai pachapi causaccunataca caspihuan macac shinami, rimashpa llaquichinga. Paita mana manchaccunataca pucushpami huañuchinga.

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

2 SAMUEL 8:10

paipac churi Joramta David Hadad-ezerhuan macanacushpa atishcamanta saludashpa alli nichun cacharca. Chaica, Toipish Hadad-ezerhuan macanacushpalla causacushcamantami Davidta saludachun cacharca. Horamca curimanta, cullquimanta, broncemanta ruhuashca ima charinacunata apashpami rirca.

HEBREOS 11:10

Abrahamca maita mana chingaripac, Diosllatac alli yuyarishpa shayachishca puebloman yaicusha nishpami shuyacurca.

ISAÍAS 29:19

Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.

ISAÍAS 57:13

¡Can mañacpica, ruhuashcalla dioscuna quishpichichun! Tucui chaicunatami huaira shamushpa apanga. Ashtahuanpish ñucapi miticurishpa causacca llactata japingami. Ñucapaclla urcupimi causanga.

EZEQUIEL 48:35

Chai llacta muyundica iscun huaranga metromi canga. Chai punzhamanta pachami chai puebloca, ‘Mandac Diosmi cai llactapica’ nishpa shutichishca canga» nirca.

SALMOS 48:4

Tucui cai pachata jatun mandaccunami tandanacushpa macanacungapac shamurca.