ISAÍAS 14:21 - Dios Rimashcata Quillcashcami

²¹ Taitacuna yalli mana allita ruhuashcamantaca cancunapac churicunata huañuchina pushtuta allichichic. Pacta cutin macanacungapac jatarishpa, llactacunata japishpa, cai pachapi tiyac llactacunapi jundanman» ninguichic.

ISAÍAS 14:21 Referans Kwoze

SAN MATEO 23:35

Cashcata ruhuaccunata huañuchishcamantaca, cancunatami Diosca llaquichinga. Abelpac yahuarmanta callarishpa, Berequiaspac churi Zacariaspac yahuarcamanmi cancunataca taripashpa llaquichinga. Zacariastaca Diosta mañana huasipi tiyac altar ladopimi huañuchirca.

LEVÍTICO 26:39

Cancunapuramanta mana huañushpa saquiriccunaca piñaccunapac llactapimi paicunapac mana allita ruhuashcamanta, shinallatac paicunapac taitacunapac juchamanta huañungacuna.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ISAÍAS 27:6

Jacobopac huahua huahuacuna yura shina sapiyana punzhami shamunga. Israelcunaca sisac shinami sisanga. Chashnami paicunaca cai pachapi achca grano pucushca shina jundanga.

JOB 37:12

Chashna pai mandacpimi puyuca tucui cai pachata rishpa pai mandashcata pactachin.

ISAÍAS 13:16

Paicunapac huahuacunataca paicunapac ñaupallapitacmi pambata shitanga. Huasicunamantapish tucuimi shuhuanga. Paicunapac huarmicunatapish japiringami.