ISAÍAS 13:8 - Dios Rimashcata Quillcashcami

⁸ Yallita mancharingacunami. Paicunataca mancharina llaquicuna, nanaicunami japinga. Shuc huarmi sajuarina nanaihuan cac shinami nanachinga. Mancharinacushpami caishuc chaishuc ñahuita ricunacunga. Ñahuicunaca nina japiricuc shinami pucayanga.

ISAÍAS 13:8 Referans Kwoze

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

NAHÚM 2:10

¡Tucuita tucuchishca, shitashca pamba shinami saquirishca! Shungupipish huañunalla shinami tucushca. Changacunapish chucchunmi, lomotapish nanachinmi, ñahuipish quilluyashcami.

ISAÍAS 26:17

Mandac Dioslla, huarmi sajuarina nanaihuan yallita caparic shinami, cambac ñaupapica cashcanchic.

SAN JUAN 16:21

Shuc huarmica sajuarina punzha chayacpica, nanaihuanmi llaquirin. Shina cacpipish sajuarishca quipaca, shuc huahua cai pachaman apamushcamantami tucui nanaita cungarishpa cushicun.

JOEL 2:6

Paicunapac ñaupapica tucuimi chucchushpa, llaquilla ñahui tucunga.

JEREMÍAS 50:43

Babilonia llactata jatun mandac chaita uyashpaca chucchushpami saquirirca. Yallita llaquirishpami, sajuarina nanai huarmita japic shina tucurca.

JEREMÍAS 30:6

Tapunacuichic. ¿Shuc carica huahuata sajuarinchu? Ñucaca, ¿imamantatac caricuna sajuarina nanaihuan cac huarmi shina, cinturata maquihuan japirishpa, ñahuicunapish yuracyashpa, shayacucta ricurcani?

JEREMÍAS 4:31

Punta sajuaric huarmi shina, llaquinayaita caparicuctami uyarcani. Sionpi causaccunami yallita caparishpa huacacun. Paicuna maquita chutashpaca: “¡Aij ñucalla, cunanca imachari tucusha! Ñucaca huañugrinimi. Cai runacunami ñucataca tucuchigrin” nishpami caparicun» ninmi.

2 REYES 19:26

Chaipi causaccunaca, mana pudishpami manchaihuan, pingaihuan cancuna. Pambapi huiñashca, verdinlla llullu quihua shinami. Huasi jahuapi huiñashca quihua manarac pucushpa chaquishca shinami.

JEREMÍAS 13:21

Canllatac yachachishca, canhuan apanacuccunata Dios mandachun churacpica, ¿imatatac ninguiman? ¿Manachu canca huarmita sajuarina nanai japic shina llaqui tucungui?

JEREMÍAS 46:5

¿Ima nishpatac mancharishpa, huashaiman cuticunguichic? Egipto sinchi soldadocunaca manchaihuanmi mana tigra ricushpa, miticungapac callpan. Tucui ladopimi manchai tiyan.

JEREMÍAS 48:41

Chashna shamushpami, tucui llactacunatapish mishashpa, muyundita jatun pircashca llactacunatapish atishpa japinga. Chai punzhapica sinchi runacunapac shunguca sajuaric huarmi shinami tucunga.

JEREMÍAS 49:22

Bosrapi causaccunata llaquichingapacca shuc águila alasta pascashpa shamuc shinami shamunga. Chai punzhacunapica Edom llactapi ashtahuan cari tucushca runaca sajuarina nanai huarmita japishca shinami tucunga» ninmi.

JEREMÍAS 49:24

Damascopi causaccunaca manchaihuan imata mana ruhuai pudishpami miticushpa callpancuna. Paicunataca jatun manchaimi japirca. Sajuarina nanai huarmita japic shinami llaquita apancuna.

JEREMÍAS 51:30

Babilonia sinchi soldadocunaca macanacunata saquishpami, jatun torre ucucunapi miticushca. Fuerza illac saquirishpami, huarmicuna shina tucushca. Paicunapac huasicunaca rupashcami. Llacta pungu aldabacunapish paquirishcami.

EZEQUIEL 20:47

Neguev pambapi tiyac sachataca: “¡Mandac Diospac rimashcata uyaichic! Mandac Diosca: Riquichic, ñucami ninata japichishpa, verdinlla yuracunatapish, chaquishca yuracunatapish tucui rupachigrini. Chai ninaca mana huañungachu, ashtahuanpish ura ladomanta, jahua ladocamanmi gentecunapac ñahuita rupachinga.

OSEAS 13:13

Shuc huarmita sajuarina nanai japic shinami, cungailla nanaica japinga. Sajuarina punzha pactacpi, llucshinata mana yachac yuyai illac huahua shinami canga.

SALMOS 48:7

Canca inti llucshina ladomanta huairata cachashpami, Tarsis llacta barcocunata paquircangui.