ISAÍAS 13:18 - Dios Rimashcata Quillcashcami

¹⁸ Mosocunatapish flechahuanmi huañuchinga. Llullu huahuacunatapish mana llaquingachu. Huahuacunata ricushpaca, ashallatapish mana llaquingachu.

ISAÍAS 13:18 Referans Kwoze

2 REYES 8:12

Chaimantami Hazaelca: —Ñuca mandaclla, ¿ima nishpatac huacangui?— nishpa tapurca. Shina nicpimi paica: —Israelcunata can llaquichigricushcatami yachani. Canca paicunapac torrecunatapish rupachigringuimi. Mosocunatapish espadahuan huañuchigringuimi. Huahuacunata japishpa pambata shitagringuimi. Huicsayuc huarmicunatapish huicsata pascashpa huañuchigringuimi— nirca.

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

OSEAS 13:16

Samaria llactapi causaccuna paicunapac Mandac Diosta mana cazushcamantami tucuchishca canga. Paicunataca espadahuanmi huañuchinga. Huahuacunataca ñutuchishpami shitanga. Huicsayuc huarmicunataca huicsatami tucyachinga» ninmi.

EZEQUIEL 9:10

Chaimantami paicuna millaita ruhuashca shinallatac paicunatapish llaquichisha. Manatac perdonashachu, manatac llaquishachu» nirca.

ISAÍAS 13:16

Paicunapac huahuacunataca paicunapac ñaupallapitacmi pambata shitanga. Huasicunamantapish tucuimi shuhuanga. Paicunapac huarmicunatapish japiringami.

NAHÚM 3:10

Shina cacpipish, prezurcami. Paipac huahuacunataca calle esquinacunapimi pambaman shitashpa huañuchirca. Alli nishca runacunataca suerteta ruhuashpami aparca. Mandaccunataca cadenahuan huatashpami prezu aparca.

NAHÚM 2:1

¡Nínive llactalla, tucuchicmi huichai shamun! ¡Torrecunapi chapacta churaiyari! ¡Ñantapish chapaiyari! ¡Sinchita chumbilliyari! ¡Sinchicuiyari!

SALMOS 127:3

Riqui, huahuacunaca Mandac Dios cushcami. Cancunapac aichamanta llucshishca huahuacunaca tucuimanta yalli valicmi.

ISAÍAS 5:28

Paicunapac flechacunapish alli mulashcami canga. Arcocunapish allichishcami canga. Caballocunapac shillucunaca yacu rumi shina sinchimi canga. Carretacunapac ruedacunaca acapana huaira shinami callpanga.

ISAÍAS 47:9

Shina yuyacucpipish, cai ishcai llaquicunami cungailla japinga. Yachac cacpipish, brujeriata ruhuacucpipish, chai llaquicunaca japingami. Chai punzhallapitacmi viudapish, cusa illacpish saquiringui.

JEREMÍAS 5:16

Tucui paicunami yalli sinchi runacuna. Paicunapac flechacunata huacaichinaca huañushcata enterrana jutcu shinami.

JEREMÍAS 6:23

Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

JEREMÍAS 18:21

Chaimanta paicunapac churicunata yarcaipi, jatun macanacuipi huañuchichun saquiyari. Huarmicunatapish huahua illac, cusa illac saquirichun, cusacunataca jatun macanacuipi huañuchichun, mosocunatapish espadahuan chugrichichun saquiyari.

JEREMÍAS 50:30

Chaimantami paicunapac quipa huiñaicunataca plazacunapi huañuchinga. Chaitaca Mandac Dios ñucami nini.

JEREMÍAS 50:42

Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

JEREMÍAS 51:22

Cancunahuanmi caricunatapish, huarmicunatapish, yuyaccunatapish, huambracunatapish, mosocunatapish, solteracunatapish tucuchisha.

DANIEL 7:5

Quipa animalca oso shinami carca. Chai animalpac costillasca shuc ladoca yallimi carca. Quimsa costillasta quirupi canichishpa shimipi apashcami carca. Chai animaltaca: “¡Jatarishpa, sacsangacaman achca aichata micui!” nircami.