ISAÍAS 13:13 - Dios Rimashcata Quillcashcami

¹³ Tucuita Mandac Dios nina japiric shina piñari punzhapica jahua pachapish chucchungami, cai pachapish shucman ladoman cuyuchishcami canga.

ISAÍAS 13:13 Referans Kwoze

JOEL 3:16

Mandac Diosca Sión urcumantami león huacac shina caparinga. Pai rimashcaca Jerusalenmantami uyaringa. Jahua pachapish, cai pachapish chucchungami. Shina cacpipish, Mandac Diosca pai acllashca israelcunata cuidangami. Paica miticuna sinchi torre shinapishmi canga.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

APOCALIPSIS 20:11

Chai quipaca shuc jatun yuranlla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

LAMENTACIONES 1:12

Caita pasac maijancunaca, ¿manachu ñucata llaquinguichic? Mandac Dios nina japiric shina piñarishca punzhapi, ¿ñucata llaquichishca shina, llaquita ricushcanguichicchu?

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

ISAÍAS 34:4

Jahua pachapi tucui tiyaccunami yacuyashpa tucuringa. Jahua pachaca papel shinami pilluringa. Lucerocunaca yuramanta uvas shina, higo yuramanta panga urmac shinami urmanga.

JOB 9:6

Paimi allpatapish maipi cashca pushtumanta cuyuchin. Allpata charicuc pilarcunatapish Paimi chucchuchin.

SALMOS 18:7

Pai piñaricpica, cai pachaca mancharinatami chucchurca. Jatun urcu callari rumicunapish chucchurcami.

SALMOS 88:16

Can yallita piñarishcaca ñitic shinami ñucataca llaquichicun. Can cachashca manchaimi yallita llaquichicun.

ISAÍAS 2:19

Yallita manchana Mandac Dios jatun poderhuan achicyachicpica, quingrai jutcucunapi, allpa jutcucunapi satiringacunami. Cai pachapi causaccunata llaquichishpa chucchuchicpimi chashnaca tucunga.

ISAÍAS 9:19

Tucuita Mandac Dios yallita piñaricpimi, cai pachapica nina japirirca. Cai gentecunaca ninata japichina cupa shinami tucurca. Huauquindipurapish mana llaquinacunchu.

ISAÍAS 23:11

Mandac Diosmi paipac maquita mama cucha jahuata chutashpa, llactacunataca chucchuchishca. Paillatacmi Canaán llacta muyundi pircata tucuchichun mandarca.

ISAÍAS 24:1

Riquichic, Mandac Diosca cai pachataca chushacllatami saquinga. Cai pachapi causaccunataca caita chaita cachashpami, cai allpataca chushacllata ruhuanga.

ISAÍAS 24:18

Jahua pachamanta ventanata pascashpa, manchana llaquita cachacpica, miticushpa callpacushpaca jutcupimi urmanga. Chaimanta llucshishpaca tucllapimi japi tucunga. Cai pacha allpapish tucuimi cuyuringa.

ISAÍAS 24:19

Cai pachaca tucui ñutuchishpa tucushcami canga. Tucui cai pachapimi yallita manchai tiyanga.

ISAÍAS 21:1

Mama cucha patapi tiyac shitashca pamba llaqui tucunamanta huillashcami: Shitashca pamba Neguevmanta acapana huaira shamuc shinami, manchana llactamanta shitashca pambata shamunga.

ISAÍAS 47:1

Mandac Diosca: «Carihuan manarac chayarishca soltera shina Babilonia llactalla, mandanamanta uricushpa, ñuto allpapi tiyariyari. Caldeocunapac ushilla, cantaca mana cutin: “Sumacmi, allimi cangui” ningacunachu. Can mandanamanta uricushpa, allpapi tiyariyari.

JEREMÍAS 51:1

Mandac Diosca: «Babilonia llactatapish, caldeocunatapish llaquichingapacmi jatun huairata cachasha.