ISAÍAS 12:4 - Dios Rimashcata Quillcashcami

⁴ Chai punzhapica cancunaca: «¡Mandac Diostaca pagui nichicyari! ¡Paipac shutita caparishpa, pagui nishpa cantaichicyari! Pai ruhuashcataca tucui llactapi causaccunaman huillaichicyari. Paipac shuti jatun cashcata yuyarichicyari.

ISAÍAS 12:4 Referans Kwoze

SALMOS 105:1

¡Mandac Diosta pagui nichicyari! ¡Paipac shutipi mañaichicyari! Pai imata ruhuashcataca shuctac gentecunaman huillaichicyari.

1 CRÓNICAS 29:11

Mandac Dioslla, jatun canapish, tucuita ruhuanapi sumaimana canapish, tucui mandanapish, tucuipac alli nishca canapish cambacmi. Jahua pachapi ima tiyashcapish, cai pachapi ima tiyashcapish cambacmi. Mandac Dioslla, tucuita mandanapish cambacmi. Tucuita yallimi cangui.

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

SAN JUAN 17:26

Can ñucata cuyac shinallatac paicunapish cuyanacuchun, shinallatac ñucahuan shuc shinalla cachunmi, can rimashcacunataca ricsichini, shinallatac ricsichishpa catishami— nirca.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

SALMOS 57:5

¡Dioslla, cantaca jahua pachapi jatunyachishca cachun! ¡Can sumaimana cashcataca tucui cai pachapi ricsishca cachun!

SALMOS 18:46

¡Mandac Diosca causacunmi! ¡Ñuca jarcarina jatun rumica alli nishca cachun! Ñucata quishpichic Diosca jatunyachishca cachun.

NEHEMÍAS 9:5

Levitapuramanta Jesúa, Cadmiel, Bani, Hasabnías, Serebías, Hodías, Sebanías, Petanías rimashpaca: “¡Cancunata Mandac Diostaca, huiñaimanta huiñaicaman, tucui alli nishcacunamanta ashtahuan jahuapi cac, paipac sumaimana jatun shutita, allimari, sumacmari cangui ningapac shayarichic!” nirca.

ÉXODO 33:19

Shina nicpimi, Mandac Diosca: —Ñuca yallita cuyac cashcatami, canmanca ricuchigrini. Mandac Dios ñucaca mandac cashcatapishmi cambac ñaupapi huillasha. Maijanta yallita cuyasha nishpaca yallita cuyacmi cani. Maijanta llaquisha nishpaca llaquicmi cani.

ÉXODO 15:2

Mandac Diosca ñucata sinchiyachicmi. Ñuca cantana Diosmi. Paimi ñucata quishpichirca. ¡Paimi ñuca Dios, paitami cantasha! ¡Paimi ñuca taitapac Dios! ¡Paitami jatunyachisha!

ISAÍAS 66:19

Ñucaca paicunapica shuc señaltami churasha. Chai quipami miticushpa quishpirishcacunataca shuc llactacunaman cachasha. Chashnami Tarsis llactaman, arcocunahuan macanacuc Fut, Lidia llactacunaman, Tubal, Grecia llactaman cachasha. Shinallatac ñucata mana uyac, ñuca poderta mana ricuc llactaman, mama cucha patacunapi tiyac caru llactacunamanmi cachasha. Paicunami ñuca poderyuc cashcataca shuctac llactacunapi huillanga.

ISAÍAS 33:5

¡Jahua pachapi causac Mandac Diosca jatunyachishca cachun! Paimi Sión llactapica allita mandanatapish, cashcata mandanatapish churarca.

ISAÍAS 24:15

Chaimantami inti llucshina ladopi causaccunapish, mama cucha patapi causaccunapish israelcunata Mandac Diosta jatunyachishpa, alli ningacuna.

ISAÍAS 12:1

Chai punzhapica canca: «Mandac Dioslla, cantami cantasha. Canca ñucahuan piñarishpapish chai piñarishcata pasachishpami cushichishcangui.

ISAÍAS 2:17

Cariyashpa puriccunapac ñahuitaca cumurichingami. Jatun tucushcacunatapish pingaichingami. Chai punzhapica Mandac Diosllami jatunyachishca canga.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

SALMOS 113:5

Jahua pachapi causac ñucanchic Mandac Dios shinaca, ¿pitac tiyangayari?

SALMOS 107:22

Paita pagui nishpa animalta cushpa, pai allicunata ruhuashcacunata cushicushpa cantaichicyari.

SALMOS 97:9

Can Mandac Diosca tucui cai pachata mandacmi cangui. Tucui dioscunamanta yalli jatunmi cangui.

SALMOS 96:3

Pai sumaimana cashcataca tucui llactacunapi huillaichic. Pai mancharinacunata ruhuashcataca shuctac gentecunaman parlaichicyari.

SALMOS 73:28

Ñucamanca Diospac cuchupi canami tucuimanta yalli alli. Can tucui ruhuashcacunata huillangapacmi can jatun Mandac Diosta shuyashpa causani.

SALMOS 46:10

Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.

SALMOS 40:5

Mandac Dioslla, ñuca Dioslla, jatun mancharinacunataca achcatami ruhuashcangui. Ñucanchicman allita ruhuana yuyaillami cangui. Can ruhuashca allicunaca mana yupaipacmi. Can tucui allicunata ruhuashcata cambac ñaupapi yupashpa huillasha nishpapish maita mana yupaipacmi can.

SALMOS 34:3

Mandac Diostaca ñucahuan pacta alli nichicyari. Paipac shutitaca shuc shinalla tucushpa jatunyachishunchicyari.

SALMOS 22:31

Pai cashcata ruhuashcata ashtahuan quipaman manarac huacharishcacunaman huillashpaca: «Paimi tucui allicunata ruhuarca» nishpami huillangacuna.

SALMOS 21:13

¡Mandac Dioslla, imatapish ruhuac cashcahuan can jatun cashcataca ricuchiyari! ¡Mishachishcamantaca cantashami, alabashami!

SALMOS 9:11

Sionpi causac Mandac Diostaca cantaichicyari. Pai ruhuashcacunata shuccunamanpish huillaichicyari.

1 CRÓNICAS 16:8

«¡Mandac Diosta alli nichic! ¡Paipac shutita huillaichic! ¡Pai ima ruhuashcata, gentecunaman huillaichic!

SALMOS 148:13

Mandac Diospac shutica mai alli nina shutimi. Chaimanta paita alabaichicyari. Paimi cai pachatapish, jahua pachatapish ricucun.

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

ISAÍAS 42:12

Mandac Diosta sumaimanami cangui nichicyari. Mama cucha patacunapi huillashpa paita cushichichicyari.

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SALMOS 68:5

Paipaclla huasipi tiyacuc Diosca taita mama illac huahuacunapac Taitami. Viudacunapac juezmi can.