ISAÍAS 10:7 - Dios Rimashcata Quillcashcami

⁷ Paica chashna ruhuacushcataca mana yuyaringachu. Shungullapipish mana yuyaringachu. Ashtahuanpish achca llactata tucuchishpa chingachinallatami yuyaricunga.

ISAÍAS 10:7 Referans Kwoze

GÉNESIS 50:20

Cancunaca ñucata llaquichinatami yuyarcanguichic. Ashtahuanpish Diosmi ñucanchicpac allipac chashnaca ruhuachirca. Chaitaca cunanmi ricucunchic. Paica achca gentecunaman causaita cungapacmi chashnaca ruhuarca.

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.

HECHOS 2:24

Chashna huañuchicpipish, Diosca llaquiman apac huañuimantaca cacharichishpami causachirca. Huañuica Jesustaca mana charicui pudircachu.

ISAÍAS 10:8

Paica: “Ñuca churashca mandaccunaca, ¿manachu tucui jatun mandaccuna?

ISAÍAS 23:13

¡Caldeocunapac llactata ima tucushcata ricuichicyari! Chai llactaca ña mana tiyanchu. Chai llactataca Asiriapi causaccunami jatun torrecunata shayachishpa, mandana huasicunatapish tucuchishca. Chashnami shitashca pambapi causac animalcuna causanata ruhuarca.

EZEQUIEL 29:20

Paipac soldadocunahuan Tiro llactata llaquichishcamantami Egipto llactataca curcani. Paicunaca ñucamanmi allita ruhuarca. Chaitaca Mandac Dios ñucami nini” ninmi.

NAHÚM 1:11

Canmantami Mandac Diosta piñachishpa, mana alli yuyaita cuc runaca llucshirca.

ISAÍAS 37:19

Chaipi tiyac dioscunatapish rupachircami. Chaicunaca mana dioscunachu carca. Ashtahuanpish runacuna caspimanta, rumimanta ruhuashcallami carca. Chaimantami chashna tucuchirca.

DANIEL 11:12

Chashna achca soldadocunata atishpami, ura llactata jatun mandacca shungupi jatun tucushpa, huaranga huaranga soldadocunata huañuchinga. Chashna cashpapish asha huatacunatami chashna canga.