ISAÍAS 10:12 - Dios Rimashcata Quillcashcami

¹² Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 10:12 Referans Kwoze

2 REYES 19:31

Jerusalenmantaca, maijanpish puchushcami llucshinga. Sión urcumantaca mana huañushpa quishpirishcacunami llucshinga. ¡Tucuita Mandac Diosmi, yallita juchallishcamanta chashna ruhuanga!

JEREMÍAS 50:18

Chaimantami israelcunapac tucuita Mandac Diosca: Babilonia llactata jatun mandactaca Asiria llactata jatun mandacta shinallatacmi paipac tucui llactandi llaquichigrini.

ISAÍAS 65:7

paicuna mana allita ruhuashcamantapish, cancunapac taitacuna mana allita ruhuashcamantapish llaquichigrini. Paicunaca urcucunapi, lomacunapi inciensota cushnichishpami, ñucataca yallita piñachirca. Chaimantami ñaupa huatacuna imata ruhuashcamantapish paicuna imata ruhuashca shina llaquichisha» ninmi.

1 PEDRO 4:17

Dios taripana punzhaca ñami chayamucun. Chaipica paipac huahuacunataracmi Diosca taripanga. Chashna ñucanchictarac taripai callaricpica, Diosmanta alli huillaita mana cazuccunacarin, ¿imachari tucunga?

SAN MATEO 15:19

Shungumantami millai yuyaicuna llucshin. Chaimantami huañuchincuna, huainayancuna, ima millaita ruhuancuna, shuhuancuna, llullancuna, millaita rimancuna.

SAN MATEO 12:33

Caita yuyarishun: Alli yuraca alli granotami pucun. Mana alli yuraca mana alli granotami pucun. Ima yurapish pucushpami imalaya cashcataca ricuchin.

DANIEL 4:37

Cunanca Nabucodonosor ñucaca jahua pachata jatun Mandacta “sumaimana cangui” nishpami alli nini. Tucui pai ruhuashcaca pai nic cashcata, ruhuac cashcatami ricuchin. Jatun tucushca gentecunatapish cumurichinmi.

EZEQUIEL 31:14

Chaica, ima yurapish mashnata parcushca cashpapish ama yalli jatun tucuchun, yura ñahuipish shuctac yuracunata ama atichun, yacuhuan cashpapish ama yalli huiñachunmi chashnaca tucunga. Tucui yurami huañushpa, cai pacha allpa ucupi caccunahuan pacta cangapac ringa.

EZEQUIEL 31:10

Chaimantami Mandac Diosca: Chai yuraca tucui yuracunata yalli jatunyashpa, ñahuipish puyucaman cashpami shungupi jatun tucurca.

ISAÍAS 50:11

Tucui cancunami ninatapish, antorchatapish japichinguichic. ¡Shina cashpaca, chai nina achicllapitac, antorcha achicyachishcallapitac puricuichiclla! ¡Chaica ñucami llaquichini! Cancunaca llaquinayaita huañushpami tucuringuichic.

ISAÍAS 27:9

Chashnami Jacobopac huahuacunapac yalli juchacunataca cungaringa. Paicuna rumimanta ruhuashca altarcunataca cabia rumita shina ñutuchishpa, Asera huarmi diosman riccha caspicunatapish, intiman riccha yanga dioscunatapish urmachishpa, Jacobopac huahuacunapac juchataca perdonanga.

ISAÍAS 9:9

Chaitaca Efrainpac huahua huahuacunapish, Samaria llactapi causaccunapish, tucui gentecunapish yachanmi. Paicuna shungupi jatun tucushpaca:

ISAÍAS 5:15

Cari tucushcacunatapish pingaichishpami cumurichinga. Ñahuita alzashpa jatun tucushpa puriccunatapish cumurichingami.

ISAÍAS 2:11

Jatun tucushpa puriccunapac ñahuitaca cumurichingami. Cari tucushcacunatapish pingaichishpami cumurichinga. Chai punzhapica Mandac Diosllami jatunyachishca canga.

PROVERBIOS 30:13

Maijan huahua huahuacunaca jatun tucushpami shuccunataca piña ñahuihuan ricuncuna.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

SALMOS 21:10

Paipac huahuacunatapish huañuclla runacunapurapica cai pachamanta chingachinguimi.

SALMOS 18:27

Yangalla gentecunataca quishpichinguimi. Ashtahuanpish jatun tucushcacunataca cumurichinguimi.

SALMOS 76:5

Sinchi gentecunata mishashpami quichurcangui. Paicunaca huiñaitami sueñucun, mana riccharingachu. Chai macanacuc runacunaca shucllapish mana maquita alzarcachu.

ISAÍAS 24:21

Chai punzhapica Mandac Diosmi jahua pacha angelcunatapish, cai pachapi tiyac jatun mandaccunatapish llaquichinga.

ISAÍAS 27:7

Dios paicunataca mana piña runacunata shinachu llaquichirca. Mana huañuchic runacunata shinachu huañuchirca.

ISAÍAS 29:14

Chaimantami cutinllatac jatun mancharinacunata ruhuashpa, cai gentecunaman ricuchigrini. Chashna ricuchicpica, alli yachaccunapac yachaipish, allita entendiccunapac entendishcapish yangami canga» nini.

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 37:29

Canca ñucata yallita piñarishpami, jatun tucushpa ñuca ringriman uyaricta rimarcangui. Cambac singapica argollata, shimipica frenota churachishpami, can maita shamushca ñanllatatac cutichishpa cachasha” ninmi.

JEREMÍAS 25:29

Chaica, ñuca shutita mañac llactataracmi llaquichi callarircani. Cancunaca chai llaquimanta, ¿quishpirishunmi yuyanguichicchu? ¡Cai llaquimantaca mana quishpiri pudinguichicchu! Tucui cai pachapi causaccunatami jatun macanacuita cachashpa llaquichigrini” ninmi. Chaitaca tucuita Mandac Dios ñucami nini.

JEREMÍAS 50:32

Jatun tucushca runaca chacnarishpami urmanga. Paitaca pi mana jatarichingachu. Paipac llactacunataca ninata japichishpami, tucui muyundi llactacunandi uchupata saquisha» ninmi.

NÚMEROS 24:24

Chipre llactamanta barcocuna shamushpami, Asiriapi causaccunata llaquichinga. Heberpi causaccunatapish chashnallatacmi llaquichinga» nirca.

DEUTERONOMIO 32:27

Shina yuyacushpapish paicunata piñaccuna jatun tucushpa: ‘Caicunataca mana Mandac Dioschu ruhuan, ashtahuanpish ñucanchicmi ruhuanchic’ ama nichunmi mana chashna ruhuarcani” nirca.

PROVERBIOS 21:4

Jatun tucushpa ricunapish, shungupi jatun tucunapish Diosta mana manchana yuyaipish juchami.

ISAÍAS 2:12

Mandac Dios, jatun tucushpa puriccunata, cari tucushcacunata, jatun tucushcacunata llaquichina punzhami chayamugrin. Chaipimi paicunaca cumuringa.

DANIEL 11:45

Mandashpa tiyana carpa huasicunataca mama cuchahuan, Diospaclla urcuhuan chaupipimi shayachinga. Shina cashpapish chaipimi paica tucuringa, paitaca pi mana ayudangachu.