Biblia Todo Logo
Bib sou entènèt

- Piblisite -




ISAÍAS 1:4 - Dios Rimashcata Quillcashcami

4 ¡Aij, juchasapa gentecunalla, juchata aparishca gentecunalla, millaita ruhuaccunapac huahua huahuacunalla, juchayuc runapac churicunalla, Mandac Diosmanta caruyashpami, israelcunapac jucha illac Diostaca mana catisha nishpa, piñachircanguichic!

Gade chapit la Kopi




ISAÍAS 1:4
69 Referans Kwoze  

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.


¿Manachu Mandac Dios ñuca canta ñanta pushamucucpi, ñucata saquishcamanta chai llaquica japin?


Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.


Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.


Achca fariseocunapish, saduceocunapish bautizaringapac shamucpimi Juanca: «¡Culebra shina gentecuna! Dios cachashca llaquimanta quishpirinataca, ¿pitac huillarcayari?


¿Paicunaca ñucata piñachingapacchu chashna ruhuancuna? ¿Manachu paicunapac pingaipacllatac chashna ruhuancuna?


Can quiquin mana allita ruhuashcallatacmi llaquichinga. Ñucata saquishpa juchallishcallatacmi llaquichinga. Mandac Dios ñucamanta anchurinapish, ñucata mana manchanapish mana alli cashcata, llaqui cashcataca alli yuyariyari. Chaita tucuita Mandac Dios ñucami nini.


Paicunaca: «Dios munashcataca ñucanchic ricungapac utca ruhuaiyari. Ñucanchic ricsingapac israelcunapac jucha illac Dios yuyarishcataca ruhuailla» nincunami.


Cunanca, cancunamanta llaquita apacushcamantaca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.


¿Apunchic Jesustachu piñachisha ninguichic? ¿Ñucanchicca paita yallichu canchic?


¡Culebracuna, culebrapac huahuacunalla! ¡Maitatac ucu pacha ninamantaca quishpiringuichicyari!


Aparishca, shaicushca shina causaccuna, tucuilla ñucapacman shamuichic. Ñucami cancunataca samachisha.


Huainayac huarmicunamanca pagancunami. Shina cacpipish, canracmi cambac cuyashcacunamanca pagarcangui. Tucui llactacunamanta shamushpa, canhuan huainayachunmi, chashna ruhuac carcangui.


Israelcunata Mandac Diosca chai llactapi yallita juchata ruhuashpa paita piñachicucpipish israelcunatapish, Judá llacta runacunatapish mana saquishcachu.


Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.


Shina cachacpipish, mana uyarcacunachu. Ashtahuanpish paicunapac taitacunata yalli sinchi shungu tucushpami, mana allita ruhuarca.


¡Cuyacta mashcanataca allitami yachangui! Mana allita ruhuac huarmicunapish canta ricushpami yachacurca.


¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?


Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.


Paicunaca huertacunapi animalta cushpa huañuchishpa, ladrillo jahuacunapi inciensota rupachishpami ñucataca punzhanta piñachirca.


Israelcunapac jucha illac Mandac Dios ñuca maquihuan ruhuacta tucui mashna ricushpa entendichunmi chashnaca ruhuasha» ninmi.


Cancuna huairachicpica, huairami apanga. Acapana huairami caita chaita apanga. Ashtahuanpish cancunaca Mandac Dios-huanmi cushicunguichic. Israelcunapac jucha illac Dios-huanmi yallita cushicunguichic.


Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.


¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!


Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.


Cai gentecunaca mana cazuc, llullaccunami. Mandac Dios mandashcatapish uyanata mana munaccunachu.


Chaimantami cuyailla caccunaca cutinllatac Mandac Dios-huan cushicunga. Yalli huacchapish israelcunapac jucha illac Dios-huanmi cushicunga.


Canca, cambac llactapi causaccunallatatac tucuchishcamanta, cambac gentecunallatatac huañuchishcamantaca mana caishuc jatun mandaccunahuan pacta enterraringuichu. Mana allita ruhuaccunapac huahua huahuacunataca manatac yuyarishcachu canga.


Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.


Jerusalenca tucuimi tucurishca. Judá llactapish urmashcami. Paicunaca mana allita rimashpa, mana allita ruhuashpami poderyuc Mandac Diosta piñachirca.


Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.


¡Mandac Diosca ñucanchic jarcarina escudomi! ¡Ñucanchic Jatun Mandacca israelcunapac jucha illac Diosmi!


¡Tauca cutinmi shitashca pambapi piñachircacuna! ¡Imapish mana tiyac pambapimi llaquichircacuna!


Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.


Diosta mana manchac millai runacunaca mamapac huicsapi tiyarishcamanta pachami Diosmanta anchurircacuna. Sajuarishcamanta pachami llullashpa chingarircacuna.


Chaimantami israelcunaca Mandac Diosta caparishpa mañashpaca: —Canta servinata saquishpa shuctac Baal dioscunata servishpami canta piñachishpa juchallishcanchic— nirca.


Chaita Mandac Dios ricushpami, churicunatapish, ushicunatapish piñarca.


Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.


Chashna tucucpi, maijancunaca: “Ñaupa taitacunapac Mandac Dios Egipto llactamanta llucchimushpa, ari nishcata cungarishcamantami chashna tucushca.


Cunan cancunapish millaita ruhuac juchayuc taitacunapac churicuna cashpami, ashtahuan Dios-huan israelcunahuan piñanacuchishcanguichic.


Sodomapi causaccunaca millai gentecuna, mancharina juchacunata ruhuashpa, Mandac Diosta piñachiccunami carca.


Paicunapac juchacunaca ashtahuan ashtahuan mirarishpami, jahua pachacaman chayashca. Shinallatac tucui paicunapac juchata ricushpami, Diosca llaquichinata yuyarishca.


Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.


Yalli millaita ruhuashpami, canta piñachishcanchic. Canta servic Moisesman can cushca mandashcacunatapish, pactachichun cushca shimicunatapish, imata ruhuachun nishcacunatapish mana cazushpami canta piñachishcanchic.


Dioslla, canllatami salteriopi tocashpa alabasha. Israelcunapac jucha illac Dioslla, can imatapish pactachic cashcataca arpapi tocashpami cantasha.


Ashtahuanpish cariyashpa, mana cazuc juchasapacunataca tandachishpami tucuchisha. Mandac Dios ñucata cungariccunaca tucuimi tucuchishca canga.


Tucui paicunami Mandac Diosta mana manchaccuna, millaita ruhuaccuna, millaita rimaccuna. Chaimantami Mandac Diosca mosocunatapish, viuda huarmicunatapish, taita mama illaccunatapish mana llaquirca. Chashna ruhuashpapish Mandac Dios pai nina japiric shina piñarishcataca mana pasachishcachu. Ashtahuanpish llaquichingaracmi.


Ashtahuanpish Mandac Diosca alli yachacmi. Chaimanta paica llaquichingami. Pai llaquichisha nishpaca llaquichintacmi. Millaita ruhuaccunatapish, chai millaita ruhuanata ayudaccunatapish piñarishpa llaquichingami.


Imatapish yallita munashpa, millaita ruhuashcamantami yallita piñarishpa llaquichircani. Chaimantami tigrarishpallapish mana ricurcani. Shina cacpipish, paicunaca mana cazushpami shungu munashcata ruhuashpa catirca.


Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.


Ashtahuanpish cancunaca Mandac Dios ñucatami saquircanguichic. Ñucapaclla urcutapish cungarircanguichicmi. Suerteta cuc diosman carangapacmi mizata tendircanguichic. Causaipi alli mandac nishca diosmanmi vinota curcanguichic. Chaimantami chai allpacunataca mana japinguichic.


Canca ñucata saquishpami, huashaiman cutircangui. Ñucaca llaquicushpami shaicurcani. Chaimantami llaquichisha Chaitaca Mandac Diosmi nin.


Chashnami israelcunapish, Judá gentecunapish, paicunata jatun mandaccunapish, caishuc mandaccunapish, curacunapish, huillaccunapish mana allita ruhuashpa, ñucata piñachishpa causarca. Chaimantami anchuchigrini. Tucui Judá gentecunapish, Jerusalenpi causaccunapish ñucataca piñachircami.


Ruhuashcalla dioscunata adorangapac ñucamanta anchuric israelcunata paicunapac shungupi yuyachingapacmi chashnaca ruhuasha” ninmi ningui.


Canca cusatapish, huahuacunatapish shitac huarmipac huahuami cangui. Canca cusatapish, huahuacunatapish shitac huarmipac ñañami cangui. Cambac mamaca heteopuramantami, cambac taitaca amorreopuramantami carca.


Tucui israelcunami can mandashcata mana cazushcanchicchu, cambac rimashcata mana uyashcanchicchu, juchallishcanchicmi. Chaimantami cai llaquicunapish, canta servic Moisés mandashpa ari nishcapish ñucanchicta llaquichicun.


Ñucamanta anchuriccunatapish, ñucata mana mashcaccunatapish, ñucaman mana tapuccunatapish tucuchishami» ninmi.


Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.


Cancunaca huaclliric, millaillata ruhuaccunami canguichic. Mana paipac huahua shinachu canguichic. Millaita ruhuac, mana cazucmi canguichic.


Paipac ñaupa taitacunapac Mandac Diosta saquishpami, Mandac Diospac ñanmanta anchurirca.


Jatun mandac Roboamca ña allita mandacushpami, paipish, israelcunapis Mandac Dios mandashcata saquircacuna.


Jotamca Mandac Diospac ñaupapica paipac taita Uzías shinami allita ruhuashpa causarca. Shina cashpapish Diospac huasimanca mana yaicurcachu. Ashtahuanpish gentecunaca mana allita ruhuashpami catirca.


Dios ima shina cashcata ricungapacmi tauca cutin mañashpa, israelcunapac jucha illac Diostaca llaquichircacuna.


Paicunapac ñaupa taitacuna shinallatacmi mana cazurcacuna. Mana allita shitac arco shinami mana cazurcacuna.


Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.


Swiv nou:

Piblisite


Piblisite