ISAÍAS 1:14 - Dios Rimashcata Quillcashcami

¹⁴ Llullu quillapi, jatun fiestacunapi tandanacuita cancuna ruhuashcataca mana ricunayanchu. Chaicunaca ñucamanca llashac quipi shinami. Chaicunata ricushpallami shaicuni.

ISAÍAS 1:14 Referans Kwoze

AMÓS 5:21

Cancunapac jatun fiestacunataca millanayachishpami, mana ricunayachircani. Cancunapac jatun tandanacuicunahuanca mana cushicushachu.

ISAÍAS 43:24

Mishquillata ashnacuctapish ñucaman mana randircanguichu. Huiratapish mana ñucaman cushpa rupachircanguichicchu. Chaipac randica cancunapac juchacunatami ñucaman apachic shina cushpa llaquichircanguichic. Millaita ruhuashpa causashpami, ñucata shaicuchircangui.

AMÓS 2:13

Ñucaca cancunataca achca gavillata jundachishca carreta saruc shinami sarusha.

ISAÍAS 61:8

Mandac Diosca: «Ñucaca cashcata ruhuachunmi munani. Shuhuashpa, ñucaman cushpa, tucui rupachiccunataca mana ricunayachinichu. Allita ruhuaccunamanca allitami cusha. Paicunahuanca huiñaipacmi ari ninacusha.

ISAÍAS 7:13

Shina nicpimi Isaiasca: —Davidpac huahuacuna uyaichic. ¿Cancunaca runata piñachina ashalla cacpichu, ñuca Diostapish piñachicunguichic?

MALAQUÍAS 2:17

Mandac Diosta rimacushpalla shaicuchishpaca: «¿Imata nishpatac shaicuchishcanchic?» ninguichicmi. Shinallatac: «Maijan cashpapish mana allita ruhuashpami, Mandac Diostaca cushichinchic, chaitami paica chasquin» ninguichic. Mana cashpaca: «¿Maipitac cashcata ruhuac Mandac Diosca?» nishpami shaicuchinguichic.

ZACARÍAS 11:8

Shuc quillallapimi quimsa michiccunata tucuchircani. Ñuca shungupish paicunata mana ricunayachircachu. Paicunapac shungupish ñucata mana ricunayachircachu.

ISAÍAS 29:1

¡Aij, Ariel llactalla! ¡David causana Ariel llactalla! Ima fiestacunata huatanta ruhuashpa cushicuichiclla.

1 CRÓNICAS 23:31

Samana punzhacunapi, llullu quilla punzhacunapi, jatun fiesta punzhacunapi Mandac Diosman cushca tucui animalcunata rupachingapacmi ric carca. Chai punzhacunapi mashna animalcunata cuchun mandashca shinallatacmi Mandac Diospac ñaupapi curcacuna.

ISAÍAS 29:2

Ashtahuanpish Ariel llactataca llaquihuan muspachigrinimi. Chaimantami yallita llaquirishpa huacanga. Chai llactaca animalta rupachina altar shinami tucunga.

ISAÍAS 66:23

Quillanta, samana punzhantami tucui mashna ñuca ñaupaman shamushpa, ñucata alli ninga.

OSEAS 2:11

Paimanta cushicuita anchuchishpami, paipac fiesta punzhacunatapish, llullu quilla punzhacunatapish, samana punzhacunatapish tucuchisha.

OSEAS 5:7

Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.