HECHOS 9:5 - Dios Rimashcata Quillcashcami

⁵ Chaita uyashpami Sauloca: —Amito, ¿pitac cangui?— nirca. Shina nicpimi chai rimacca: —Ñucaca can piñashpa llaquichicuc Jesusmi cani. Canllatami puyapi chugriric shina, llaquita apacungui— nirca.

Nuevo Testamento en Quichua Cañar 1996

⁵ Shina nicta uyashpa Sauloca: —¿Pitac cangui Amito?— nirca. Shina nicpica: —Ñucaca can p'iñashpa llaquichicuc Jesusmi cani. Canca puya puntapi huagra jaitashpa chugriric shinami, canllatac llaquita apacungui— nirca.

HECHOS 9:5 Referans Kwoze

1 TIMOTEO 1:13

Ñaupaca criccunata llaquichishpa, Jesusta piñashpa camicmi carcani. Shina cacpipish manarac cric cashpa, imata ruhuacushcata mana yachashcamantami, Diosca ñucata llaquirca.

JOB 9:4

Paipac shungupica tucuita yachanmi. Tucui imatapish ruhuacmi. ¿Pitac paita mana cazushpaca alli llucshingayari?

HECHOS 26:9

Ñaupaca, ñucaca Nazaret pueblomanta Jesús criccunata ima shinapish llaquichinatami yuyarcani.

ISAÍAS 45:9

¡Aij manga callana shina cashpapish ñucata piñachiccunalla! Callanata ruhuana allpaca paita ruhuactaca: “¿Imatatac ruhuangui” ningachu? ¿Imata pai ruhuashcaca: “Canca maqui illacmi cangui” ningachu?

1 CORINTIOS 10:22

¿Apunchic Jesustachu piñachisha ninguichic? ¿Ñucanchicca paita yallichu canchic?

HECHOS 5:39

Ashtahuanpish paicuna yachachishca Diosmanta cacpica, mana jarcai pudinguichicchu. Pacta Diospac munaita jarcashun nicunguichicman— nirca.

SALMOS 2:12

Paipac churita alli nichic, pacta piñarinman. Paica nina japiric shinami piñaringa. ¡Paipi shunguta churaccunaca cushicuichicyari!

DEUTERONOMIO 32:15

Jesurunca yallita huirayashpa, huira tapashpa cashpami paita ruhuac Mandac Diostaca mana cazurca. Quishpichic jatun Rumi shina Diostaca mana chasquircachu.

HECHOS 9:4

Chaimanta Saulo pambaman urmashpaca: —Saulo, Saulo, ¿ima nishpatac ñucata llaquichicungui?— nishcatami uyarca.

HECHOS 9:6

Chaimanta Saulo manchaihuan chucchushpaca: —Cunanca, ¿imatatac ruhuachun ningui?— nirca. Shina nicpimi, Apunchic Jesusca: —Jatarishpa, Damasco pueblollamantac ri. Chaipimi can imata ruhuana cashcataca huillanga— nirca.

HECHOS 10:14

Shina nicpimi Pedroca: —Mana, Apunchic Jesús. Mapa animalcunataca mana micushachu, jaicapi mana micushcanichu— nirca.

HECHOS 26:14

Chashna achicyachicpi, tucui riccunami pambaman urmarcanchic. Chashna urmashpaca: “Saulo, Saulo, ¿ima nishpatac ñucataca piñashpa llaquichicungui? Can quiquinllatacmi puya puntapi jaitashpa chugriric shina, chugriricungui” nishpa, hebreo rimaipi rimactami uyarcani.

FILIPENSES 3:12

Ñucaca: «Cai tucui nishcata ña pactachishpa, allimi cani» ninatapish, shinallatac: «Ima pandatapish ña mana ruhuanichu» ninatapish, mana ni pudinichu. Ashtahuanpish Jesucristo acllashcamantaca, japina cashcata japingacaman ricunillami.