HECHOS 9:40 - Dios Rimashcata Quillcashcami

⁴⁰ Pedroca tucui chai ucupi caccunata canzhaman llucchishpaca, cungurishpami Diosta mañarca. Chai huañushca huarmita ricungapac tigrarishpaca: —¡Tabita, jatari!— nirca. Shina nicpimi, chai huarmica ñahuita pascashpa, Pedrota ricushcahuan jatarishpa tiyarirca.

Nuevo Testamento en Quichua Cañar 1996

⁴⁰ Pedroca tucui chai ucupi caccunata canzhaman llucchishpaca, cungurishpami Taita Diosman mañarca. Chaimanta huañushca huarmita ricungapac tigrarishpaca: —Tabita, jatari— nicpi, chai huarmica ñahuita pascashpa, Pedrota ricushcahuan jatarishpa tiyarircallami.

HECHOS 9:40 Referans Kwoze

SAN MATEO 9:25

Gentecunata llucchishca quipami, Jesusca ucuman yaicushpa, huambrapac maquipi japirirca. Chashna maquipi japiricpica jatarircallami.

HECHOS 7:60

Esteban cungurishpaca: «¡Apunchic Jesús, paicuna cai mana allita ruhuashcamanta ama juchanchinguichu!» nishpami caparirca. Chashna nishpaca huañurcallami.

SAN LUCAS 8:54

Ashtahuanpish Jesús chai huañushcata maquimanta japishpaca: —¡Huambra, jatari!— nishpami, sinchita nirca.

HECHOS 20:36

Chaita nishca quipami, Pabloca tucui paihuan caccunahuan cungurishpa, Diosta mañarca.

SAN LUCAS 22:41

Chashna nishpami yachacuccunapacmanta ashata caruyashpa, Diosta mañangapac cungurirca.

MARCOS 9:25

Achca gentecuna tandarimucta ricushpami, Jesusca chai supaitaca: —¡Mana uyacta, upata ruhuac supai, ñucami cai huambramanta llucshi nini! ¡Ama cutin paipi yaicunguichu!— nishpa, sinchita rimarca.

HECHOS 21:5

Chaimanta ñucanchic rigricpimi, tucui criccuna paicunapac huarmicunandi, huahuacunandi chai pueblo llucshinacaman compañarca. Chai yacu patapimi cungurishpa, Diosta mañarcanchic.

SAN MATEO 6:6

Canta Diosta mañashpaca, ucuman yaicushpa, punguta huichcashpa canta Mandac Diosta pacalla mañai. Chashna mañacpica, pacallata ricuc Diosca, can japina cashcata cungami.

HECHOS 28:8

Publiopac taitaca calentura ungüihuanpish, purichic ungüihuanpishmi camapi cashca carca. Paita Pablo ricungapac rishpaca, maquita ungushcapac jahuapi churashpa, Diosta mañashpami alliyachirca.

2 REYES 20:11

Shina nicpimi, Dios ima nishcata huillac Isaiasca Mandac Diosta caparishpa mañarca. Chaipica, Acaz intita ricunapica chunga gradatami inti llanduta huashaiman cutichirca.