HECHOS 9:11 - Dios Rimashcata Quillcashcami

¹¹ Shina nicpimi, Apunchic Jesusca: —Jatari, Derecha shuti ñanman ri. Judaspac huasipi yaicushpa, Tarso pueblomanta Saulota tapui. Chai huasipimi paica Diosta mañacun.

Nuevo Testamento en Quichua Cañar 1996

¹¹ Shina nicpi, Apunchic Jesusca paitaca: —Jatari. Derecha shuti ñanman ri. Judaspac huasipi yaicushpa, Tarso pueblomanta Saulo runata tapui. Paica chai huasipimi Taita Diosman mañashpa shuyacun.

HECHOS 9:11 Referans Kwoze

HECHOS 22:3

«Ñucaca Cilicia llacta Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucataca Gamalielmi allita yachachirca. Ñaupa taitacunaman mandashcacunata tucuita pactachicmi cani. Ima shinami cunan punzhacunapi cancuna tucui shunguhuan Diosta servicunguichic, chashnatacmi ñucapish servini.

HECHOS 21:39

Chashna tapucpimi Pabloca: —Ñucaca Cilicia llactapi cac, tucuipac ricsishca Tarso pueblopi huacharishca Israel runami cani. Tucui gentecunaman huillachun saqui— nirca.

HECHOS 9:30

Criccuna chaita yachashpami, Saulotaca Cesarea pueblocaman pushashpa, Tarso puebloman cacharca.

HECHOS 11:25

Chaimantami Bernabeca Tarso pueblopi Saulota mashcangapac rirca. Chaipi tupashpaca, Antioquía pueblomanmi pushamurca.

HECHOS 11:13

Chai runaca paipac huasipi ángel ricurishpa: “Pedro nishca Simonta Jope pueblomanta pushamuchun cachai.

HECHOS 8:26

Mandac Diospac angelca Felipetaca: «Jatarishpa, Jerusalenmanta shitashca pamba ñanta Gaza puebloman ri» nirca.

HECHOS 2:21

Chaipica tucui ñuca shutipi mañaccunaca quishpiringami” ninmi.

ZACARÍAS 12:10

Davidpac huahuapuramanpish, Jerusalenpi causaccunamanpish cuyac shunguta, shinallatac ñucata mañana yuyaitami yallita cusha. Shina cucpimi, paicunaca ñucata chugrichic shina llaquichishcata ricunga. Chaimantami shuclla churi huañushcamanta shina, punta churi huañushcamanta shina, yallita llaquirishpa huacanga.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

DEUTERONOMIO 4:29

Shina cashpapish, chai llactacunapi cashpa, tucui shunguhuan, tucui yuyaihuan Mandac Diosta mañashpaca taringuichicmi.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

HECHOS 8:22

Can mana allita yuyanata saquishpa, Diosta mañai. Chashna mañacpica, cambac shungu mana allita yuyashcataca perdonangapishchari.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.