HECHOS 8:23 - Dios Rimashcata Quillcashcami

²³ Cambac shungupica hiel shina jayacmi jundashca. Chaimantami juchapi huatashca shina cangui— nirca.

Nuevo Testamento en Quichua Cañar 1996

²³ Cambac shunguca mana allita yuyashcamanta jayac shinami. Chaimantami juchapi huatashca shina cangui— nirca.

HECHOS 8:23 Referans Kwoze

ISAÍAS 58:6

Cancuna ayunashpaca llaquihuan causaccunata, huatashca shina, llaquilla causaccunata cacharichinami canguichic. Yugo aparishca shina causaccunamanta yugota anchuchinami canguichic.

PROVERBIOS 5:22

Diosta mana manchactaca pai mana allita ruhuashcacunallatacmi llaquichinga. Pai ruhuashca juchallatacmi tuclla shina japishpa urmachinga.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

SAN JUAN 8:34

Shina nicpimi Jesusca: —Maijanpish juchata ruhuacca juchapi huatashca shinami. Chaica chashnatacmi can.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paita aticpica, chai aticpami huatashca shina tucun.

2 PEDRO 2:4

Diosca paipac angelcuna juchallicpipish mana perdonarcachu, ashtahuanpish ucu pacha amsapimi shitarca. Chaipimi paicunaca Dios taripashpa llaquichina punzhacaman cadenahuan huatashca shuyacun.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

LAMENTACIONES 3:19

Llaquita apashcatapish, ñucata pi mana ayudashcatapish, jayac ajencota ubiashca shina, llaquita apashcatapish yuyarinimi.

LAMENTACIONES 3:5

Ñuca muyundipi baluarteta ruhuac shinami yallita llaquichirca.

JEREMÍAS 9:15

Chaimantami israelcunapac tucuita Mandac Dios ñucaca: Cai gentecunamanca ajenjotami caragrini. Shinallatac yacuhuan, venenohuan chapushpami ubiachigrini.

JEREMÍAS 4:18

Cancuna mana allita ruhuashpa causashcallatacmi cancunataca llaquichirca. ¡Chai jayac shina llaquimi shunguman chayashpa, yallita llaquichishca!» ninmi.

ISAÍAS 28:22

Cunanca, cancunata huatashca huascahuan ama ashtahuan sipichunca mana burlanachu canguichic. Chaica, tucuita Mandac Dios cai llactata tucuchinata yuyarishcatami uyarcani.

SALMOS 116:16

Mandac Dioslla, ñuca mañashcata uyaiyari. Ñucaca canta servicmi cani. Canta servic huarmipac huahua, canta servicmi cani. Canmi huatashcamanta cacharichircangui.

JOB 20:14

chai micunaca huicsa ucupimi shuctacyanga. Chashna jayacyashpami huicsapica culebrapac veneno shina tucunga.

EFESIOS 4:31

Shungu ucullapi piñashca canata, imapish llaquichinata, pitapish piñanata, camishpa rimanata, rimashpa caparinata, shinallatac tucui mana allicunataca saquichic.