HECHOS 8:18 - Dios Rimashcata Quillcashcami

¹⁸ Apostolcuna criccunapac uma jahuapi maquita churacpi, criccuna Diospac Espirituta chasquicta Simón ricushpami, cullquihuan randinata munarca.

Nuevo Testamento en Quichua Cañar 1996

¹⁸ Jesús acllashca huillaccuna criccunapac uma jahuapi maquita churashpa, Diospac Espirituta chasquichicta Simón ricushpami, paipish chashnallatac ruhuasha nishpa, randinata munarca.

HECHOS 8:18 Referans Kwoze

1 TIMOTEO 6:5

Cashcata nishcata saquishpa millai yuyaiyuccunahuan mana alli tucushpa piñanacuna yuyaillami can. Paicunaca chayucyana yuyaillahuanmi Diosta cric tucuncuna.

SAN MATEO 10:8

Ungushcacunatapish alliyachinguichic, Lepra ungüitapish pichanguichic, huañushcacunatapish causachinguichic, supaicunatapish llucchishpa cachanguichic. Yangami caita ruhuangapacca poderta chasquircanguichic, chaimantami yanga ruhuana canguichic.

2 REYES 8:9

Shina nicpimi, Hazaelca Damasco pueblopi ashtahuan alli tiyashcata chuscu chunga camellocunapi cargashpa, Eliseota tupangapac rirca. Ña chaiman chayashpa, paipac ñaupapi shayarishpaca: —Siria llactata jatun mandacca cambac churi shina Ben-hadadmi: “¿Cai ungüimantaca alliyashachu?” nishpa, tapuchun cachan— nirca.

EZEQUIEL 13:19

Cancunaca puñado cebadamanta, pedazo tandamantami ñuca acllashcacuna chaupipi manapish huañuna cashcacunata huañuchishpa, huañuna cashcacunataca mana huañuchishpa mapayashcanguichic. Chashnami, ñucataca yangapi churashpa, llullashcata uyac, ñuca acllashcacunataca crichircanguichic” ninmi.

HECHOS 8:17

Chaimantami Pedropish, Juanpish chai criccunapac uma jahuapi maquita churacpica, Diospac Espirituta chasquircacuna.

HECHOS 8:19

Chashna munashpami: —Ñucapish maijanpac uma jahuapi maquita churashpa, Diospac Espirituta chasquichingapac, ñucamanpish poderta cuichic— nirca.