HECHOS 7:9 - Dios Rimashcata Quillcashcami

⁹ Jacobopac churicunaca paicunapac huauqui Joseta piñashpami, Egipto llactaman catushpa cacharca. Diosca Josehuanmi carca.

Nuevo Testamento en Quichua Cañar 1996

⁹ Chai Jacobopac churicunaca paicunapac huauqui Joseta p'iñashcallamantami, Egipto llactaman apachun c'atushpa cacharcacuna. Chashna ruhuacpipish, Taita Diosca Josetaca mana saquircachu.

HECHOS 7:9 Referans Kwoze

GÉNESIS 39:2

Ashtahuanpish Mandac Dios Josehuan cacpimi, paica imapipish alli llucshirca. Paica Egiptomanta paipac amopac huasipimi causacurca.

SALMOS 105:17

Paicunapacmanca shuc runatami ñaupachishpa cacharca. Paica Josemi carca. Paitaca huatashca shina servichunmi catushca carca.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

GÉNESIS 45:4

Chashna cacpimi Joseca: —Ñucapacman cuchuyaichic— nirca. Shina cuchuyacpimi paica: —Ñucaca cancuna Egiptoman catushca, cancunapac huauqui Josemi cani.

SAN MATEO 27:18

Pilatoca Jesustaca envidiamanta apamushcatami yacharca.

GÉNESIS 39:5

Potifar paipac huasitapish, tucui charishcacunatapish Joseman cushca punzhamanta pachami Mandac Dios Egiptomanta mandacpac huasitaca Josemanta bendiciarca. Chashnami huasipipish, pambapipish tucui pai imalla charishcacunata Mandac Diosca bendiciarca.

HAGEO 2:4

Chaimanta Zorobabel-lla, Josadacpac churi curacunata mandac Josuella, sinchicuiyari. Tucui llactapi causaccunapish sinchicushpa, tucui shunguhuan trabajaichicyari. Ñucaca cancunahuanmi cani. Chaitaca Mandac Dios ñucami nini.

1 CORINTIOS 13:4

Maijanpish cuyaita charicca, llaquichicpipish mana piñaric, alli shunguyucmi. Shuccuna ama charichun nishpa mana munacchu, shinallatac “allimi cani” nishpa mana jatun tucushcachu.