HECHOS 7:55 - Dios Rimashcata Quillcashcami

⁵⁵ Ashtahuanpish Diospac Espíritu junda cashpami, Estebanca jahua pachata huichailla ricushpa, Diospac sumaimana cashcatapish, Apunchic Jesús paipac alli lado maquiman shayacuctapish ricurca.

Nuevo Testamento en Quichua Cañar 1996

⁵⁵ Ashtahuanpish Diospac Espíritu shungupi junda cashpami, Estebanca jahua pachata huichailla ricushpa, Taita Diospac sumaimana cashcatapish, shinallatac Apunchic Jesús paipac alli lado maquiman shayacuctapish ricurca.

HECHOS 7:55 Referans Kwoze

MARCOS 16:19

Apunchic Jesús paipac yachacuccunata mandashca quipaca, Diosmi jahua pachaman pusharca. Chaipimi paipac alli lado maquiman tiyarirca.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

2 CORINTIOS 4:6

Amsamanta luz achicyachichun nishca shinami, Diosca ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

HECHOS 6:10

Ashtahuanpish Diospac Espíritu yuyaita cushpa, Estebanta rimachicpimi, chai runacunaca mana ati pudircacuna.

HECHOS 6:8

Diosca Estebanta cuyashpami, milagrocunatapish, mancharinacunatapish israelcunapurapi ruhuachun poderta curca.

HECHOS 6:5

Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

HEBREOS 8:1

Ñucanchic nicushcamanta ashtahuan yallica, jatun mandac curatami charinchic. Paica jahua pacha Dios mandacucpimi alli maquiman tiyacun.

HECHOS 2:4

Chashnami tucui chaipi caccunapi Diospac Espíritu yaicurca. Chaimantami Diospac Espíritu rimachicpi, chican chican rimaicunata rimai callarirca.

SAN JUAN 12:41

Isaiasca Jesuspac sumaimana cashcata ricushpami, paimanta chashna huillarca.

SALMOS 109:31

Diosca almata juchanchiccunamanta quishpichingapacmi, imatapish mana charic runapac alli ladopi shayaringa.

HECHOS 6:3

Chaimanta, micunata tucuiman raquichunca cancunapuramanta alli yachac, alli causac, Diospac Espíritu junda, canchis runacunata acllaichic.

MIQUEAS 3:8

Ashtahuanpish ñucaca Jacobopac huahuacuna mana cazushcata, israelcuna juchallishcata huillangapacmi Mandac Diospac Espirituhuan, poderhuan cani. Paica cashcata ruhuacmi.

EZEQUIEL 11:23

Mandac Diospac sumaimana achic nicucca pueblo chaupimanta huichai rishpami, inti llucshina ladoman cac urcu jahuapi tiyarirca.

EZEQUIEL 10:4

Mandac Diospac sumaimana achic nicucca querubincunapac jahuamantaca pungupimi tiyaringapac huichai rirca. Diospac huasipica puyu, cutin ucupi tiyac canzha pambapica Mandac Diospac sumaimana achic nicucmi jundarca.

APOCALIPSIS 21:11

Chai puebloca Diospac sumaimana achiclla cashcahuanmi jagan nicurca. Valishca jaspe rumi shina, vidrio shina jagan nicucmi carca.

2 PEDRO 1:17

Dios paipac Churita jatunyachishpa, sumaimanata ruhuactami ricurcanchic. Diosca sumac achic nicucmantami: «Caimi ñuca cuyashca Churica. Paillami ñucataca cushichin» nirca.

HECHOS 4:8

Chaimantami Pedroca Diospac Espirituhuan cashpa: —Israelcunata mandaccunalla, pushac yuyaccunalla,

SAN JUAN 14:3

Ñuca rishpaca cancuna causanata allichishpami cancunata apangapac cutimusha. Maipimi ñuca causani, chaipimi cancunapish ñucahuan causanguichic.

EZEQUIEL 10:18

Chai quipami huasi umbral jahuapi tiyacuc Mandac Diospac sumaimana achic nicucca querubincunapac jahuapi tiyarirca.

EZEQUIEL 3:23

Shina nicpimi, jatarishpa pugru pambaman rircani. Chaipimi Quebar jatun yacu cuchupi Mandac Diospac sumaimana achic nicucta ricushca shinallatac cutin ricurcani. Chashna ricushpami, ñucaca pambacaman cumurircani.

SAN JUAN 11:41

Jesús shina nicpimi, enterrashcata tapashca rumita cutichirca. Jesús jahua pachata huichailla ricushpaca: —Taitalla, ñuca mañashcata uyashcamanta pagui ninimi.