HECHOS 7:48 - Dios Rimashcata Quillcashcami

⁴⁸ Shina cacpipish, jahua pacha Diosca gentecuna ruhuashcalla huasicunapica mana causanchu. Dios ima nishcata huillaccuna quillcachishpaca:

Nuevo Testamento en Quichua Cañar 1996

⁴⁸ Shina cacpipish, jahua pachapi causac Taita Diosca gentecuna ruhuashcalla huasicunapica mana causanchu. Ñaupa huillacman Taita Dios quillcachishpapish:

HECHOS 7:48 Referans Kwoze

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

2 CRÓNICAS 6:18

Ashtahuanpish Mandac Diosca, ¿cai pachapi causaccunahuan causangachu? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. ¡Ñuca shayachishca cai huasicarin maitatac pactangayari!

SALMOS 91:9

Jahua pachapi causac ñuca miticuna Mandac Diostami cambac huasita ruhuashcangui.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

SALMOS 91:1

Maijanpish jahua pachapi causac Diospi miticucca tucuita ruhuac Dios cuidashcami causan.

SALMOS 92:8

Mandac Dioslla, canca huiñaita jahua pachapi causac Diosmi cangui.

SALMOS 7:17

Cashcata ruhuac Diostaca alabashami. Jahua pachapi causac Mandac Diospac shutitaca cantacushallami.

DANIEL 4:34

Chai nishca punzhacuna pactacpimi, Nabucodonosor ñucaca jahua pachata huichailla ricurcani. Chashna ricushpami, cutin yuyaita japircani. Chaimantami jahua pachapi huiñaita causac Diostaca: “Huahua huahuacunata jatun mandac, sumaimanami cangui nishpa alli nircani.

SALMOS 46:4

Shuc jatun yacumi jahua pachapi causac Diospac pueblopi tiyac paipaclla huasita cushichicun.

DEUTERONOMIO 32:8

Jahua pacha Dios llactacunaman allpata cushpaca, Adanpac churicunata chicanyachicushpami Israelpac huahuacuna mashna cashcata ricushpa linderocunata churarca.

OSEAS 7:16

Paicuna cutirishpapish mana jahua pachapi causac Diospacman cutirircachu. Ashtahuanpish espadata mana alli shitac shinami llullarca. Jatun tucushpa, mana allita rimashcamantami mandaccunapish espadapi huañurca. Chashna millai cashcamantami, Egipto llactapi causaccunaca burlashpa asingacuna» ninmi.

SAN LUCAS 1:32

Paica mai alli nishcami canga. Jahua pachapi causac Diospac Churi nishcapishmi canga. Mandac Diosca paitaca ñaupa taita Davidpac mandanapimi churanga.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.