HECHOS 7:47 - Dios Rimashcata Quillcashcami

⁴⁷ Davidpac churi Salomonmi Diosta mañana huasitaca ruhuachirca.

Nuevo Testamento en Quichua Cañar 1996

⁴⁷ Ashtahuanpish Taita Diosman mañana huasitaca, Davidpac churi Salomonmi ruhuachirca.

HECHOS 7:47 Referans Kwoze

1 REYES 8:20

Mandac Diosca pai cushami nishcataca pactachishcami. Chaimantami ñucaca Mandac Dios ima shina nishca shinallatac ñuca taita Davidpac randi, israelcunata mandangapac tiyarinapi tiyarircani. Shinallatac israelcunata Mandac Diospac shutipi mañana huasitapish shayachircani.

2 SAMUEL 7:13

Paimi ñuca huasitaca shayachinga. Paimanca huiñaita mandanatami cusha.

2 CRÓNICAS 3:1

Salomonca Jerusalenpi tiyac Moriah urcupimi Mandac Diospac huasita shayachi callarirca. Chai urcuca huasita shayachingapac David allichishca jebuseocunapuramanta Ornanpac trillana pambami carca. Chai pambapimi Mandac Diosca Davidman ricurirca.

1 CRÓNICAS 17:1

David paipac huasipi causacushpami, Dios ima nishcata huillac Natantaca: —Riqui, ñucaca cedromanta ruhuashca sumac huasipimi causani. Ashtahuanpish Dios ari nishca quillcata huacaichina Arcaca carpa huasillapimi tiyacun— nirca.

1 REYES 5:1

Tiro pueblota jatun mandac Hiramca Davidhuanca tucui causaipimi, apanacuc carca. Chaimantami Salomonta paipac taita Davidpac randi jatun mandac cachun aceitehuan cahuishcata yachashpaca, paita serviccunata cacharca.

1 REYES 6:1

Israelcunata Salomón chuscu huatata mandacui huatami israelcuna Egipto llactamanta llucshimushcaca chuscu patsac pusac chunga huata tucurca. Chai huatapac Zif shuti quillapimi Mandac Diospac huasita shayachinata callarirca.