HECHOS 7:16 - Dios Rimashcata Quillcashcami

¹⁶ Unai huatacuna quipami paicunapac tullucunataca Siquem llactaman apamurca. Chai Siquem llactapimi, Abrahamca Hamorpac churicunaman enterrana allpata randishca carca. Chaipimi chai tullucunataca enterrarca.

Nuevo Testamento en Quichua Cañar 1996

¹⁶ Huañushca unai huatacunapica, paicunapac tullucunataca Siquem llactamanmi apamurcacuna. Chai Siquem llactapimi, Abrahamca Hamorpac churicunaman enterrana asha allpata randishca carca. Chaipimi chai tullucunataca enterrarcacuna.

HECHOS 7:16 Referans Kwoze

JOSUÉ 24:32

Israelcuna Egiptomanta apamushca Josepac tullucunataca Siquem pueblopimi enterrarca. Chai allpataca Jacobomi Siquempac taita Hamorman patsac cullquipi randishca carca. Chai allpatami Josepac churicunaca japirca.

GÉNESIS 23:16

Chashnami Abrahamca Efronhuan parlanacushpa, Efrón mañashca cullquita Hetpac churicunapac ñaupapi pezashpa pagarca. Randina, catuna cullquipimi chuscu patsac siclos cullquita Efronmanca curca.

ÉXODO 13:19

Joseca israelcunataca: «Diosca cancunata ayudangapac shamungami. Cancuna cai llactamanta rishpaca, ñuca tullucunata apanguichic» nishpami ari nichishca carca. Chaimantami Moisesca Josepac tullucunatapish apashpa llucshirca.

GÉNESIS 50:13

Canaán llactaman apashpami, Macpela pambapi tiyac jutcupi enterrarca. Chai allpataca Abrahammi paicuna enterraringapac heteocunapuramanta Efronman randishca carca. Chai allpaca Mamremanta inti llucshina ladomanmi saquirin.

GÉNESIS 35:19

Chashnami Raquelca huañurca. Pai huañucpica, Efrata ñan ladopimi enterrarca. Cunanca chai Efrata llactataca Belén nincunami.

GÉNESIS 23:4

—Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

GÉNESIS 47:30

Ñuca huañucpica, ñuca taitacuna maipi enterrashcapi enterrangapac ñuca cuerpotaca cai Egiptomanta llucchishpa apanguichic. Chashna apashpaca paicunata enterrashca allpallapitac enterrangui— nirca. Shina nicpimi Joseca: —Ari, can nishca shinallatacmi ruhuasha— nirca.

GÉNESIS 50:12

Jacobopac churicunaca paipac taita imata nishca shinallatacmi ruhuarca.