HECHOS 6:4 - Dios Rimashcata Quillcashcami

⁴ Paicuna chaita ruhuacucpica, ñucanchicca Diosta mañanatapish, paimanta huillanatapish mana saquishunchu— nirca.

Nuevo Testamento en Quichua Cañar 1996

⁴ Paicuna chaita ruhuacucpica, ñucanchicca Taita Diosman mañanatapish, paimanta huillanatapish mana saquishunchu— nircacuna.

HECHOS 6:4 Referans Kwoze

HECHOS 1:14

Tucui paicunami shuc yuyailla Diosta mañacurca. Jesuspac huauquicunapish, paipac mama Mariapish, caishuc huarmicunapishmi chaipi carca.

HECHOS 2:42

Paicunaca apostolcuna yachachishcata allimi cazuccuna carca. Caishuc chaishuc-huan allimi apanacuc carca. Shinallatac Jesús huañushcata yuyarishpa tandata micungapacpish, Diosta mañangapacpish tandanacucmi carca.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca paipac Churimanta huillashpami, tucui shunguhuan Diosta servini.

COLOSENSES 4:17

Shinallatac Arquipotapish, Apunchic Jesuspacta imata ruhuachun nishpa mingashcataca allita pactachichun nichic.

COLOSENSES 2:1

Ñucaca cancunamantapish, Laodicea pueblopi caccunamantapish, shinallatac tucui ñucata ñahui ñahui mana ricsiccunamantapish llaquita apashpa, tucui yuyaihuan ruhuacushcatami yachachun munani.

FILIPENSES 1:4

Diosman ñuca mañacushpaca, tucui cancunamantami cushicuihuan mañani.

1 CORINTIOS 9:16

Alli huillaita huillashpaca, mana jatun tucunachu cani, ashtahuanpish chaitaca huillanallatacmi cani. Mana huillashpaca, ¡aij, imachari tucusha!

COLOSENSES 4:12

Jesucristopacta ruhuac, cancunapuramanta Epafraspish “allilla cashca cachun” nishpami cachan. Cancuna alli catishpa, tucui shunguhuan Diospac munaita alli yachashpa, Diospacta ruhuachunmi, punzhanta Diosta mañacunlla.

SAN LUCAS 1:23

Zacariasca Diosta mañana huasipi servina punzhacuna ña tucuricpimi, huasiman rirca.