HECHOS 6:11 - Dios Rimashcata Quillcashcami

¹¹ Chaimantami maijanman cullquita pagashpa: “Cancunaca: ‘Ñucanchicca cai runataca Moisestapish, Diostapish camishpa rimactami uyarcanchic’ nichun” mañarcacuna.

Nuevo Testamento en Quichua Cañar 1996

¹¹ Chaimantami llullachun, shuc runacunaman cullquita cushpaca: “ ‘Ñucanchicca cai runataca Moisestapish, Diostapish c'amishpa rimactami uyarcanchic’ ninguichic” nircacunami.

HECHOS 6:11 Referans Kwoze

1 TIMOTEO 1:13

Ñaupaca criccunata llaquichishpa, Jesusta piñashpa camicmi carcani. Shina cacpipish manarac cric cashpa, imata ruhuacushcata mana yachashcamantami, Diosca ñucata llaquirca.

ROMANOS 3:8

(Shina cacpica, ¿manachu maijanca: “Dios jatunyachishca cachunca, mana allicunata ruhuashpa catishun” ninman? Maijancunaca chashnami, ñucata llaquichingaraicu “Pabloca chashnami yachachin” nincuna.) Ashtahuanpish chashna niccunataca llaquichina cashca shinami Diosca llaquichinga.

HECHOS 25:7

Pablo chayamucpica, Jerusalenmanta shamushca israelcunami muyunacushpa, Pablota manapish cashcacunata nishpa juchanchircacuna. Chashna juchanchishpapish Pablo ima mana allita ruhuashcataca mana ricuchi pudircachu.

HECHOS 25:3

Chashna juchanchishpami, Pablota Jerusalenman apamuchun mañarca. Jerusalenman Pablo shamucucpica, ñanpi chapashpa huañuchinatami paicunaca yuyarinacushca carca.

HECHOS 21:28

Chashna japishpaca: “¡Israelcuna, ayudaichic! Cai runami ñucanchic llactatapish, Moisés mandashcacunatapish, Diosta mañana huasitapish yangapi churashpa, tucui llactacunapi yachachishca. Cunancarin, mana israelcunata Diosta mañana huasiman yaicuchishpami, Diospaclla huasitaca mapayachicun” nishpa caparirca.

HECHOS 18:6

Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.

HECHOS 15:21

Chaica, ñaupa punzhacunamanta pachami mai pueblocunapipish, tandanacuna huasicunapipish, samana punzhacunapi Moisés mandashcacunata rezashpa, uyachincuna— nirca.

HECHOS 6:13

Chaipimi llullac huillaccunaca: —Cai runaca Diospac huasitapish, Moisés mandashcacunatapish rimactami uyarcanchic.

SAN JUAN 16:3

Ñuca Taitatapish, Ñucatapish mana ricsishcamantami chashna ruhuanga.

SAN JUAN 9:29

Dios rimashcata Moisés huillashcallatami yachanchic, ashtahuanpish chai runa maimanta cashcataca mana yachanchicchu— nirca.

SAN JUAN 1:17

Diosca, pai mandashcacunata ricuchichunca, Moisestami cacharca. Ashtahuanpish Dios cuyac, cashcata nic cashcataca, Jesucristo cachashpami ricuchirca.

HECHOS 26:11

Tauca cutinmi tandanacuna huasicunaman yaicushpa, criccunata llaquichishpa, Jesusta negachircani. Criccunata yallita piñashpami, shuctac llactacunapipish llaquichishpa puric carcani.

LEVÍTICO 24:16

Maijanpish Diospac shutita mana alli nishpa rimactaca Israel cacpipish, mana Israel cacpipish rumihuan shitashpa huañuchinami can.

ÉXODO 23:1

Ama llullashpa rimanguichu. Ñucata mana cazuccunata ayudangaraicu ama llullanguichu.

JEREMÍAS 26:11

Curacunapish, huillaccunapish mandaccunata, tucui gentecunata rimashpaca: «¡Cai runaca cancuna uyashca shinallatacmi cai llactata llaquichinata huillacun! Chaimanta cai runaca huañunami can» nirca.

JEREMÍAS 37:13

Jeremías Benjamín pungu nishcaman chayacpica, soldadocunata mandac Iriasmi cuidacurca. Paica Selemiaspac churi Hananiaspac nietomi carca. Paimi Dios ima nishcata huillac Jeremiastaca: «¡Canca, caldeocunapacmanmi ricungui!» nishpa prezurca.

HECHOS 6:10

Ashtahuanpish Diospac Espíritu yuyaita cushpa, Estebanta rimachicpimi, chai runacunaca mana ati pudircacuna.

HECHOS 6:12

Paicuna chashna llullacpimi, israelcunata pushac yuyaccunapish, mandashcacunata yachachiccunapish, tucui chaipi caccunapish Estebanta piñai callarirca. Chaimantami paita japishpa, tandanacushca mandaccunapacman aparcacuna.