HECHOS 5:25 - Dios Rimashcata Quillcashcami

²⁵ Paicuna chashna tapunacucucpica, cungailla shuc runa chayamushpaca: «Cancuna carcelpi huichcashca runacunaca, Diosta mañana huasipimi tucui gentecunaman yachachicun» nishpa huillarca.

Nuevo Testamento en Quichua Cañar 1996

²⁵ Paicuna chashna tapunacucucpica, ñapish cungailla shuc runa chayamushpaca: —Chai cancuna carcelpi huichcachishca runacunaca, Diosman mañana huasipimari tucui gentecunaman yachachicuncuna— nishpa huillarca.

HECHOS 5:25 Referans Kwoze

HECHOS 5:24

Chashna huillashcata uyashpaca, curacunata jatun mandac curapish, Diosta mañana huasita cuidaccunata mandacpish, curacunata mandac curacunapish caishuc chaishuc parlanacushpaca: “Chai runacunaca, ¿imashi tucushca canga?” nishpami tapunacurca.

HECHOS 5:26

Chaimantami soldadocunata mandacca soldadocunahuan cutin apostolcunata japingapac rircacuna. Chashna rishpaca, chaipi cac gentecuna rumihuan shitanata manchashpami, mana imata ruhuashpa, sumacta apamurcacuna.

SALMOS 107:14

Huañunalla amsapuramanta llucchishpami cadenacunata pitishpa cacharichirca.

JEREMÍAS 26:2

«Ñucapac huasi pungupi shayarishpa, ñuca huillashcata Judá llactacunamanta ñucapac huasipi alli ningapac shamuccunaman huillai. Shuc rimashcallatapish mana saquishpa tucuita huillangui.

DANIEL 3:13

Chashna nicpimi, Nabucodonosorca yallita piñarishpa, Sadracta, Misacta, Abed-negota pushamuchun cacharca. Chashna mandacpimi, chai runacunata jatun mandacpac ñaupaman pushamurca.

SAN MATEO 10:18

Ñucata caticushcamantami llactata mandaccunapacmanpish, jatun mandaccunapacmanpish apanga. Shina cacpimi, paicunamanpish, mana israelcunamanpish ñucamanta huillanguichic.

SAN JUAN 11:46

Cutin maijancunaca fariseocunamanmi Jesús imata ruhuashcata huillangapac rircacuna.

HECHOS 3:1

Quimsa horas chishimi, Pedroca Juanhuan Diosta mañangapac Diosta mañana huasiman rirca. Chai horasmi mañana horas carca.