HECHOS 5:2 - Dios Rimashcata Quillcashcami

² Chashna catushpami, huarmihuan huillanacushpa, chaupi cullquita saquichishpa, apostolcunaman curca.

Nuevo Testamento en Quichua Cañar 1996

² Chai runaca allpata c'atushca cullquitaca chaupishpami huacaichirca. Chaitaca paipac huarmipish yacharcami. Chai chaupishca cullquitaca tucuita apamuc shinami, Jesús acllashca huillaccunamanca curca.

HECHOS 5:2 Referans Kwoze

HECHOS 4:37

Chai runaca pai charishca allpata catushpami, chai cullquitaca apostolcunaman curca.

HECHOS 5:3

Chaimantami Pedroca Ananiastaca: —Ananías, ¿ima nishpatac Satanasta cambac shungupi yaicuchun saquishpa, Diospac Espirituman llullashpa, allpa catushca cullquita mana tucui apamungui?

SAN JUAN 12:6

Judasca mana huacchacunata llaquishcamantachu chaitaca nirca, ashtahuanpish shuhuac cashcamantami chashna nirca. Paimi cullquita tandashpa huacaichic carca. Chashnami maijan cutinca shuhuac carca.

SAN MATEO 23:5

Gentecunapac ricuillapimi imatapish ruhuac tucuncuna. Dios quillcachishcata huacaichina jatun cajacunatami frentepipish, rigrapipish apancuna. Jatun flecosyuc churanatami churashca purincuna.

MALAQUÍAS 1:14

Maijanpish paipac manada ovejacunapi huira ovejacunata charishca jahua, chaita cushami nishca jahua, mana alli animalta Mandac Dios ñucaman cuc runaca mana alli nishca cachun. Ñucaca Jatun Mandacmi cani. Shinallatac ñuca shutica tucui llactacunapac manchanami. Chaitaca Mandac Dios ñucami nini.

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

FILIPENSES 2:3

Shuccunata llaquichingaraiculla ama yachac tucuichicchu, ashtahuanpish quiquinca mana yachac cashca shinalla, shuccunata ashtahuan allipi churaichic.

HECHOS 2:44

Tucui criccunami shuc yuyailla carcacuna. Tucui paicunapac charishcacunaca tucuipacmi carca.

HECHOS 5:1

Ananías, paipac huarmi Safirami tiyarca. Paicunami allpata caturca.

HECHOS 5:8

Chaipimi Pedroca: —Cancunaca chai allpataca, ¿chaillapichu caturcanguichic? Chaita huillai— nirca. Shina nicpimi, chai huarmica: —Ari, chaillapimi caturcanchic— nirca.