HECHOS 5:15 - Dios Rimashcata Quillcashcami

¹⁵ Shinallatac Pedro llandushpallapish alliyachichunmi, gentecunaca ungushcacunataca huandumushcacunandi ñanman apashpa churarca.

Nuevo Testamento en Quichua Cañar 1996

¹⁵ Chashna mana amiripaccunata ruhuacta ricushpami, Pedro llandushpallapish alliyachichun, gentecunaca ungushcacunata huandumushcacunallapitac ñanman apamushpa churarcacuna.

HECHOS 5:15 Referans Kwoze

SAN MATEO 14:36

Chai ungushcacunaca Jesuspac churana puntallapipish tuparichun saquichunmi mañarcacuna. Jesuspac churanapi tupariccunaca, tucuimi alliyarca.

SAN JUAN 14:12

Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

SAN MATEO 9:21

Paipac shungupica: “Jesuspac churanapi tuparishpaca alliyashallami” yuyashpami, chashnaca tuparirca.

MARCOS 6:55

Shina ricsishpami, chai muyundi llactacunapi huillagrirca. Shina huillacpimi, Jesús maipi cacta uyashpaca, ungushcacunata huandushpa apamurca.

HECHOS 5:16

Cuchulla pueblocunamantami ungushcacunatapish, millai supai llaquichishcacunatapish Jerusalenman apamurcacuna. Chai ungushcacunaca tucuimi alliyarca.

ECLESIASTÉS 3:3

Huañuchingapacpish, jambingapacpish punzha tiyanmi. Tuñingapacpish, pircangapacpish punzha tiyanmi.

HECHOS 28:9

Chaita ricushpami, chai llactapi causac caishuc ungushcacunapish shamushpa alliyarca.