HECHOS 5:12 - Dios Rimashcata Quillcashcami

¹² Apostolcunaca israelcunapurapica milagrocunatapish, mancharinacunatapish taucatami ruhuarca. Tucui criccunami Salomonpac corredorpi shuc yuyailla tandanacuc carca.

Nuevo Testamento en Quichua Cañar 1996

¹² Taita Dios paicunahuan cacpimi, Jesús acllashca huillaccunaca israelcunapurapica*f** pi mana ruhuaipaccunatapish, pi mana ricushcacunatapish tauca cutin ruhuarcacuna. Tucui criccunami Salomonpac corredorpica, shuc yuyailla tandanacuc carcacuna.

HECHOS 5:12 Referans Kwoze

HECHOS 19:11

Diosca mancharina milagrocunata ruhuachumi Pabloman poderta curca.

2 CORINTIOS 12:12

Ñucaca mana piñarishpa alli shunguhuan llaquicunata apashpapish, milagrocunata, pi mana ricushcacunata ruhuashcataca cancunallatacmi ricurcanguichic. Chashna ruhuashcacunami ñucata Jesús acllashca huillac cashcatatac ricuchicun.

HEBREOS 2:4

Diospish mancharinacunata, milagrocunata ruhuashpa, pai munashca shina paipac Espirituta cushpa, chashnatac cashcata ricuchirca.

HECHOS 14:3

Chaimantami Pablopish, Bernabepish chai pueblopi unaicaman saquirirca. Apunchic Jesús paicunaman poderta cucpimi, mana manchashpa huillarcacuna. Dios cuyac cashcata huillashpami, milagrocunatapish, mancharinacunatapish ruhuarcacuna.

ROMANOS 15:19

Chashnami poderyuc Diospac Espirituhuan mancharinacunatapish, milagrocunatapish ruhuashpa, Jerusalén pueblomantaca Iliria llactacaman maipipish Cristomanta alli huillaita huillarcani.

HECHOS 3:11

Pedropish, Juanpish ñaupa mandac Salomonpac corredorpi shayacucpimi, chai alliyashca runaca paicunamanta mana raquirisha nishpa shayacurca. Chaimantami tucui gentecuna mancharishpa, paicunapacman tandanacumurca.

SAN JUAN 10:23

Jesusca Diosta mañana huasipimi Salomón ruhuashca pungu pambapi puricurca.

HECHOS 4:30

Can quishpichichun cachashca Jesus-huan ungushcacunata alliyachichun, milagrocunata ruhuachun ñucanchicta ayudaiyari. Canca imatapish ruhuacllami cangui» nishpa mañarcacuna.

HECHOS 1:14

Tucui paicunami shuc yuyailla Diosta mañacurca. Jesuspac huauquicunapish, paipac mama Mariapish, caishuc huarmicunapishmi chaipi carca.

MARCOS 16:20

Yachacuccuna rishpaca, tucui gentecunamanmi huillarca. Chashna huillacucpica, Apunchic Jesusmi paicunataca ayudac carca. Milagrocunata ruhuachishpami, Jesusca paicunahuan cashcataca ricuchicurca.]

HECHOS 16:18

Chashnami tauca punzhacunata caticurca. Chaimantami Pablo ña mana uyanayachishpa, chai huambrapi cac supaitaca: —¡Jesucristopac shutipimi, cai huambramanta llucshichun mandani!— nirca. Chai ratollatacmi supaica chai huambramanta llucshirca.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Diosta mañarca. Chai huañushca huarmita ricungapac tigrarishpaca: —¡Tabita, jatari!— nirca. Shina nicpimi, chai huarmica ñahuita pascashpa, Pedrota ricushcahuan jatarishpa tiyarirca.

HECHOS 9:33

Chai pueblopica, paralisis ungüihuan pusac huatata ungushca Eneastami ricurca.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

JEREMÍAS 26:9

¿Ima nishpatac canca: “Cai huasica Silo llacta huasicuna shinami tucuchishca canga. Cai llactapish llaquinayaitami tucuchishca canga. Shucllapish mana saquiringachu” nishpa, Mandac Diospac shutipi huillangui?» nirca. Shina nishpami Jeremiasta llaquichingapac tucui mashna Mandac Diospac huasipi tandanacurca.

SAN JUAN 4:48

Chashna mañacpimi Jesusca: —Milagrocunata ruhuacta manarac ricushpaca, ñucata mana cringuichicchu— nirca.

HECHOS 28:9

Chaita ricushpami, chai llactapi causac caishuc ungushcacunapish shamushpa alliyarca.