HECHOS 4:36 - Dios Rimashcata Quillcashcami

³⁶ Chipre llactamanta curacunata ayudac levita Josepish, criccunahuanmi carca. Paitami apostolcunaca Bernabeta shutichirca. Bernabé nishpaca: “Cushichic runa” nisha ninmi.

Nuevo Testamento en Quichua Cañar 1996

³⁶ Chipre llactamanta curacunata ayudac levita José runapish, criccunahuanmi carca. Paitaca Jesús acllashca huillaccunaca Bernabetami shutichircacuna. Bernabé shutica: “Cushichic runa” nisha ninmi.

HECHOS 4:36 Referans Kwoze

GÁLATAS 2:13

Pedro chashna mana shuc yuyailla tucushpa, mana allita ruhuacta ricushpaca, caishuc cric israelcunapish chai shinallatacmi mana allita ruhuarcacuna. Shinallatac Bernabecamanmi pandarishpa mana allita ruhuarca.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

GÁLATAS 2:1

Chunga chuscu huata quipami Bernabehuan cutin Jerusalén puebloman ricushpaca, Titotapish apashpa rircani.

HECHOS 15:39

Chashna rimanacushpami, chicanyarinacushpa, Bernabeca Marcosta pushashpa, barcopi Chipre llactaman rirca.

1 CORINTIOS 9:6

¿Bernabellachu, ñucallachu tandanacushca criccunamanta imatapish mana chasquina canchic?

HECHOS 21:16

Cesarea pueblomanta maijan criccunapish ñucanchic-huanmi rirca. Paicunami Chipre llactamanta unai huatata cric Mnasonpac huasiman pushashpa rircacuna. Chai huasipimi pozarcanchic.

HECHOS 15:37

Shina nicpimi Bernabeca: —Marcos nishca Juanta pushashun— nirca.

HECHOS 12:25

Bernabepish, Saulopish paicuna ruhuana cashcata tucuchishpami, Jerusalenmanta Marcos nishca Juanta pushashpa, cutinllatac Antioquía puebloman cutircacuna.

HECHOS 11:30

Paicuna chashna ruhuashpaca, Judea llacta criccunata pushaccunaman cuchunmi, Bernabeta, Saulota cacharca.

HECHOS 15:12

Shina nicta uyashpami, tucui gentecuna upalla tucushpa, Bernabepish, Pablopish Dios-huan cashpa, mana israelcunapac ñaupapi milagrocunata, mancharinacunata ruhuashcata parlashcata uyarcacuna.

HECHOS 15:2

Chaimantami Pablopish, Bernabepish chai yachachic runacunahuan sinchita rimanacurca. Chaimantami criccunaca Pablotapish, Bernabetapish, maijan criccunatapish Jerusalenman rishpa, apostolcunahuan, criccunata pushaccunahuan parlashpa, allichichun cacharca.

HECHOS 9:27

Chaimantami Bernabeca apostolcunapacman Saulota pusharca. Chaipimi Bernabeca Apunchic Jesús Sauloman ñanpi ricurishpa rimashcatapish, Saulo Damascopi mana manchashpa Jesusmanta huillashcatapish parlarca.

MARCOS 3:17

Zebedeopac churicuna Jacobopish, Juanpishmi carca. Paicunataca “Boanergesta” shutichirca. Chaica: “Rayo shina sinchi” nisha ninmi.

HECHOS 13:1

Antioquía pueblo tandanacushca criccunapica, Dios ima nishcata huillaccunapish, yachachiccunapishmi tiyarca. Paicunaca: Bernabé, Níger nishca Simón, Cirene pueblomanta Lucio, Galilea llactata mandac Herodes-huan huiñac Manaén, Saulomi carca.

HECHOS 13:2

Paicuna ayunashpa, Diosta mañashpa tiyacucpimi, Diospac Espirituca: «Bernabetapish, Saulotapish huillachun cachaichic. Paicunataca ñami acllarcani» nirca.

HECHOS 13:4

Diospac Espíritu Bernabeta, Saulota cachacpica, Seleucia pueblomanmi chayarca. Chaimantaca barcopimi Chipre llactaman rircacuna.

HECHOS 13:15

Chaipi cacpimi, mandashcacunatapish, Dios ima nishcata huillaccuna quillcachishcatapish uyashca quipaca, chai tandanacuna huasipi mandaccunaca: —Huauquicuna, gentecunata cunashpa rimasha nishpaca rimaichiclla— nichun cacharcacuna.

HECHOS 21:3

Chaita ricucpica, Chipre llactaca lluqui ladomanmi saquirirca. Chai barcoca Siria llacta Tiro pueblopimi cargata saquingapac yaicurca. Chaipimi ñucanchicpish saquirircanchic.

HECHOS 27:4

Sidonmanta barcopi rishpaca, huaira ñaupamanta jarcacucpimi, Chipre islata muyushpa rircanchic.

1 CORINTIOS 14:3

Dios ima nishcata huillacca criccunata sinchiyachingapac, cunangapac, cushichingapacmi riman.

COLOSENSES 4:10

Ñucahuan pacta carcelpi tiyacuc Aristarcopish, Bernabepac primo Marcospish “allilla cashca cachun” nishpami cachancuna. Marcos cancunapacman chayacpica, alli chasquina cashcataca ñami huillarcani. Chaimanta pai chayacpica, alli chasquinguichic.