HECHOS 4:2 - Dios Rimashcata Quillcashcami

² Paicunaca Pedropish, Juanpish “Jesús huañushcacunapuramanta causarishpa, tucui huañushcacuna causarina cashcatami ricuchin” nishpa, yachachicushcamantami piñarirca.

Nuevo Testamento en Quichua Cañar 1996

² Pedropish Juanpish: “Jesús huañushcacunapuramanta causarishpa, tucui huañushcacuna causarina cashcatami ricuchin” nishpa, gentecunaman yachachicushcamantami p'iñarircacuna.

HECHOS 4:2 Referans Kwoze

HECHOS 17:18

Maijan Epicúreos nishca, estoicos nishca yachaccunamantapish Pablohuan rimanacungapacmi tandanacurca. Jesusmanta alli huillaita, shinallatac huañushcacuna causarinamanta Pablo huillacucpica maijanca: —Cai rimaridu runaca ¿imatatac nicun?— nirca. Cutin maijanca: —Paica shuc dioscunamanta yachachicmi yuyachin— nirca.

ROMANOS 8:11

Jesusta causachic Diospac Espíritu cancunapi causacucpica, Diosllatacmi cancunapi cac Espirituhuan cancunapac cuerpota causachinga.

HECHOS 13:45

Chashna taucacuna tandanacushcata israelcuna ricushpami envidiashpa rimarcacuna. Chashnami Pablo yachachishcata yangapi churashpa, camishpa rimarircacuna.

1 CORINTIOS 15:23

Ima shina causarina cashca shinami, ñaupaca Cristorac causarirca. Quipaca, Cristota criccunami pai cutimui punzhapi causaringa.

HECHOS 26:23

Paicunaca: “Quishpichic Cristoca llaquita apashpami huañunga. Shina cashpapish, pairacmi huañushcacunapuramanta causaringa. Israelcunamanpish, mana israelcunamanpish achicyachic luz shinami quishpirinamanta huillanga” nishpami, huillashca carca— nirca.

HECHOS 26:8

¿Ima nishpatac Dios huañushcacunata causachina cashcata mana cringuichic?

HECHOS 24:21

Paicunapac ñaupapi: “Huañushcacuna causarinata crishcallamantami, cunan juchanchicunguichic” nishpa, caparishcamantami juchanchicun— nirca.

HECHOS 19:23

Chai punzhacunami Efeso pueblopi Jesusta catinamanta huillashcamanta piña jatarircacuna.

HECHOS 5:17

Chaimantami Israel curacunata mandac curapish, paihuan cac saduceocunapish envidiashpa piñarirca.

HECHOS 3:15

Chashnami cancunaca huiñai causaita cuc Jesusta huañuchircanguichic. Ashtahuanpish paitaca Diosmi huañushcacunapuramanta causachirca. Ñucanchicca chai ricushcata huillaccunami canchic.

NEHEMÍAS 2:10

Israelcunata ñuca ayudangapac shamushcata yachashpami, horonitapuramanta Sanbalatpish, amonitapuramanta Tobiaspish yallita piñarirca.