HECHOS 3:1 - Dios Rimashcata Quillcashcami

¹ Quimsa horas chishimi, Pedroca Juanhuan Diosta mañangapac Diosta mañana huasiman rirca. Chai horasmi mañana horas carca.

Nuevo Testamento en Quichua Cañar 1996

¹ Shuc punzha ña chishiyamucucpimi, Diosman mañana horas cashcamanta Pedroca Juanhuan, Taita Diosman mañangapac Diosman mañana huasiman rircacuna.

HECHOS 3:1 Referans Kwoze

SALMOS 55:17

Tutamantapish, chaupi punzhapish, chishipish Diosta caparishpa mañashami. Paica ñuca mañashcata uyangami.

HECHOS 10:3

Shuc punzha, quimsa horas chishita Diosta mañacucpi, Dios cachashca ángel muscuipi shina cungailla ricurishpaca: —Cornelio— nirca.

HECHOS 4:13

Pedropish, Juanpish yachacungapacllapish mana rishca yangalla runacunami carca. Chashna cashpapish mana manchashpami, allita rimarca. Chaimantami chai mandaccunaca mancharishpa saquirirca. Chaimantami paicunaca Jesus-huan puriccuna cashcata yachac chayarcacuna.

SAN LUCAS 1:10

Pai inciensota rupachicucpica, tucui gentecunami canzha pambapi Diosta mañacurca.

HECHOS 5:25

Paicuna chashna tapunacucucpica, cungailla shuc runa chayamushpaca: «Cancuna carcelpi huichcashca runacunaca, Diosta mañana huasipimi tucui gentecunaman yachachicun» nishpa huillarca.

SAN LUCAS 24:53

Chashna cutimushpaca, paicunaca Diosta mañana huasipimi punzhanta Diosta “allimari cangui” nicurca.

HECHOS 8:14

Jerusalenpi cac apostolcunaca Samaria pueblopi causaccunapish alli huillaita uyashpa crishcata yachashpami Pedrotapish, Juantapish chaiman cacharca.

DANIEL 6:10

Danielca chai mandashpa quillcashcapi jatun mandacpac shutita churashcata yachashpami paipac huasiman rishpa, Jerusalén ladoman ventanata pascashpa utcapi ima shina mañac cashca shinallatac cada punzha quimsa cutin paipac Diosta pagui nishpa mañarca.

HECHOS 2:46

Punzhantami Diosta mañana huasipi tandanacuc carca. Shinallatac paicunapac huasicunapipish tandanacushpa, Jesús huañushcata yuyarishpa, cuyai shunguhuanmi micuc carca.

SAN JUAN 21:7

Chashna tucucpimi, Jesuspac mai cuyashca yachacucca Pedrotaca: —Paica Apunchic Jesusmi— nirca. Pedroca “Apunchic Jesusmi” nicta uyashcahuanmi, churanata churarishpa yacuman shitarirca. Challuata japicushcamantami Pedroca lluchulla carca.

SAN LUCAS 22:8

Chaimantami Jesús Pedrotapish, Juantapish cayashpaca: —Richic, ñucanchic Pascua fiesta micunata allichigrichic— nirca.

SAN MATEO 26:37

Jesusca Pedrotapish, Zebedeopac ishcai churicunatapish pushashpa, rishpami, shungupi yallita llaquiri callarirca.

SAN MATEO 17:1

Sucta punzha quipami, Jesusca Pedrotapish, Jacobotapish, paipac huauqui Juantapish pushashpa, shuc jatun urcuman rirca.

DANIEL 9:21

Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.

HECHOS 10:30

Shina nicpimi Cornelioca: —Ñami chuscu punzha tucun. Chaica, cunan shina chishimi, cai ñuca huasipi ayunashpa, Diosta mañacurcani. Chaipimi jagan nicuc churanata churashca runa ñapish ricurirca.

1 REYES 18:36

Diosman animalta cushpa rupachina horas ña chayacpimi, Dios ima nishcata huillac Elías altarman cuchuyashpaca: «¡Abrahampac, Isaacpac, Israelpac Mandac Dioslla, Israel llactapica canlla Dios cashcata cunan ricuchiyari! ¡Ñucapish canta servic cashcata can mandacpi, tucui caicunata ruhuacushcatapish ricuchiyari!

ÉXODO 29:39

Shuctaca tutamanta, shuctaca chishita cungui.

GÁLATAS 2:9

Chaimantami criccuna alli nishca Pedropish, Jacobopish, Juanpish Dios ñucata cuyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina huillaccuna cachunmi apanacuita ricuchishpa ñucanchicca mana israelcunaman, paicunaca israelcunaman huillagrina cashcata ricuchishpa maquita curcacuna.

NÚMEROS 28:4

Chai ovejacunataca shuctaca tutamanta, shuctaca chishi ñucaman cunguichic.

SAN MATEO 27:45

Chaupi punzhamanta quimsa horas chishicamanmi, tucui cai pachaca amsayarca.

SAN LUCAS 18:10

«Ishcai runacunami Diosta mañana huasiman rishpa mañacurca. Shucca fariseomi carca, caishucca impuestota japicmi carca.

HECHOS 3:3

Chai runaca, Pedropish, Juanpish Diosta mañana huasiman yaicugricucta ricushpami imallatapish mañarca.

HECHOS 3:4

Chaimanta Juanpish, Pedropish chai runata ricushpaca: —¡Caita uyai!— nirca.