HECHOS 28:18 - Dios Rimashcata Quillcashcami

¹⁸ Chai mandaccuna ñucata alli tapushpa, imamanta juchanchishpa, mana huañuchina cashcata tarishpaca, cacharinatami munarca.

Nuevo Testamento en Quichua Cañar 1996

¹⁸ Chai mandaccuna ñucata alli tapushpaca, imamanta juchanchishpa huañuchinata mana tarishpaca: ‘Cacharishunlla’ nircacunami.

HECHOS 28:18 Referans Kwoze

HECHOS 23:29

Paicunapac ñaupaman apashpa paita tapucpica, israelcunapac mandashcata mana cazushcallamanta juchanchicushcatami yachac chayarcani. Ñuca yuyaipica, paitaca imamanta mana huañuchinachu, carcelpipish mana churanachu can.

HECHOS 24:22

Mandac Felixca Jesusta criccunamanta allimi yacharca. Chaimantami chashna nicta uyashpaca: —Huaranga soldadocunata mandac Lisias shamucpimi, caimanta ashtahuan yachashpa, imatapish nisha— nishpami saquirca.

HECHOS 24:10

Chaimanta mandac Pablota maquihuan señata ruhuacpimi Pabloca: —Canca tauca huatacunatami cai llactata alli mandac cangui. Chaimantami mana manchashpa, rimasha nini.

HECHOS 22:30

Huaranga soldadocunata mandacca israelcuna imamanta Pablota huañuchigricushcata yachanata munashpami, cayandi punzhaca Israel curacunata mandac curacunatapish, tandanacushca mandaccunatapish tandachirca. Chashna tandachishpami, Pablotaca cadenahuan huatashcamanta cacharichishpa, paicunapac ñaupaman aparca.

HECHOS 25:25

Ñuca yuyaipica paica ima huañuchina juchata mana ruhuashcachu. Paillatac: “Roma llactata jatun mandac Augustopacman cachai” nicpimi, paipacman cachanata yuyarcani.