HECHOS 28:15 - Dios Rimashcata Quillcashcami

¹⁵ Chai pueblo criccuna ñucanchic shamucucta yachashpami, Apio pueblo plazapipish, Quimsa Chuclla pueblopipish tupangapac shamushca carca. Paicunata Pablo ricushpaca, Diosta pagui nishpa, cushicushpami sinchiyarca.

Nuevo Testamento en Quichua Cañar 1996

¹⁵ Romapi causac criccunaca ñucanchic shamucucta yachashpami, ñucanchicta Apio pueblo plazapipish, Quimsa Chuclla pueblopipish tupangapac shamushca carcacuna. Paicunata Pablo ricushpaca, Taita Diosta pagui nishpami munai cushicurca.

HECHOS 28:15 Referans Kwoze

HEBREOS 13:3

Cancunapish carcelpi cashca shinallatac, carcelpi caccunata yuyaringuichic. Llaquihuan caccunataca cancunapish llaquihuan cashca shina yuyaichic.

ROMANOS 15:24

España llactaman rishpaca, ima shinapish cancunata ricuna yuyailla cani. Cancunata asha punzhacunata compañashca quipa, ñuca ricushcaman chayangapac ayudachunmi munani.

GÁLATAS 4:14

Ñuca ungushca cashcamanta mana chasquipac cacpipish, mana millarcanguichicchu, mana piñarcanguichicchu. Chaipac randica Diospac angelta shina, shinallatac Cristo Jesusta chasquic shinami ñucataca chasquircanguichic.

HECHOS 21:5

Chaimanta ñucanchic rigricpimi, tucui criccuna paicunapac huarmicunandi, huahuacunandi chai pueblo llucshinacaman compañarca. Chai yacu patapimi cungurishpa, Diosta mañarcanchic.

HECHOS 10:25

Pedro chayacpica, Cornelio tupangapac llucshishpami, paipac ñaupapi cungurishpa chasquirca.

SAN JUAN 12:13

ramacunata pitishpa tupangapac llucshirca. Chashna llucshishpaca: —¡Quishpichicca alli nishca cachun! ¡Mandac Diospac shutipi shamuc, israelcunata Jatun Mandacca tucuipac alli nishca cachun!— nishpami caparirca.

SALMOS 27:14

Mandac Diosta shuyailla. Sinchiyashpa cambac shungupi cushicui. ¡Ari, Mandac Diosta shuyailla!

1 SAMUEL 30:6

Davidtaca tucui gentecunami paicunapac huarmicunata, churicunata, ushicunata prezu apashcamanta, paicunapac shungupi yallita piñarishpa, rumicunahuan shitashun nicurca. Davidca yallitami llaquilla carca, shina cashpapish Mandac Diospi shunguta churashpami sinchiyarca.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

ÉXODO 4:14

Shina nicpimi, Mandac Dios piñarishpa Moisestaca: —Ñucaca levitapuramanta cambac huauqui Aarón alli rimac cashcataca, ¿manachu yachani? Paica ñami canhuan tupangapac llucshinga. Ña llucshishpaca, tucui shunguhuan cushicungami.

1 TESALONICENSES 3:7

Cuyashca criccuna chai shina huillacpimi, cai tucui llaquicunahuan cashpapish, cancuna alli crishpa caticushcata yachashpaca yallita cushicunchic.

2 CORINTIOS 2:14

Diostaca pagui ninimi. Paimi ñucanchictaca Cristo Jesus-huan mishaccuna cashcata ricuchishpa punzhanta pushacun. Shinallatac mai llactapipish mishquilla ashnacuc shina Cristopac alli huillaica ñucanchicmantami huillaricun.

HECHOS 1:15

Chai punzhacunapica, patsac ishcai chunga criccunami tandanacushca carcacuna. Paicunapac ñaupapi Pedro shayarishpaca:

HECHOS 10:23

Chaimantami Pedroca pai pozacuc huasipi paicunata chai tutaca pozachirca. Cayandi punzhaca Pedroca paicunahuanmi rirca. Jope pueblo maijan criccunapish paicunahuan rircacunami.

HECHOS 11:1

Dios rimashcata mana israelcunapish chasquishcatami, apostolcunapish, Judea llacta criccunapish yachac chayarca.

HECHOS 11:12

Chashna paicuna shamucpica, Diospac Espiritumi mana caita chaita yuyashpa, paicunahuan richun nirca. Caishuc sucta criccunapish ñucahuanmi rirca. Chashna rishpami, chai runapac huasiman yaicurcanchic.

HECHOS 12:17

Pedroca upalla cachun, maquihuan señata ruhuashpami, Mandac Dios ima shina paita carcelmanta llucchishcata parlarca. Chashna parlashpaca: —Caitaca Jacobomanpish, caishuc criccunamanpish parlanguichic— nishpaca, chaimanta llucshishpa, shuc llactaman rircallami.

HECHOS 28:14

Chai pueblopi tauca criccuna tupashpa, shuc semana paicunahuan saquirichun nicpimi saquirircanchic. Chai quipami Roma puebloman rircanchic.