HECHOS 27:3 - Dios Rimashcata Quillcashcami

³ Cayandi punzhaca Sidón pueblomanmi chayarcanchic. Chai pueblopimi mandac Julioca Pablota llaquishpa, paipac ricsishcacunapacman cacharca. Shinallatac Pablota ayudachunpish saquircami.

Nuevo Testamento en Quichua Cañar 1996

³ Chai cayandic punzhaca Sidón pueblomanmi chayarcanchic. Chai pueblopimi mandac Julioca Pablota llaquishpa, paiman imallatapish cungapishchari nishpa, paipac ricsishcacunata ricumuchun cacharca.

HECHOS 27:3 Referans Kwoze

HECHOS 24:23

Chaimantami Felixca pasac soldadocunata mandactaca: —Pablotaca cuidangui. Maijan paita ricungapac shamuccunatapish, paita ayudaccunatapish ama jarcanguichu— nishpa mandarca.

HECHOS 28:16

Ña Romaman chayashpaca, patsac soldadocunata mandacca Pablotaca cuidac soldadohuanmi shuc huasipi chican churarca.

HECHOS 27:43

Chashna cacpimi, soldadocunata mandacca Pablota mana huañuchingaraicu huambunata yachaccunarac, huambushpa llucshichun,

HECHOS 27:1

Ñucanchicta Italia llactaman cachanata yuyarishpaca, Pablotapish, shuctac prezucunatapishmi pasac soldadocunata mandac Julioman cushpa cacharca. Paica jatun mandac Augustopac soldadocunapurami carca.

HECHOS 12:20

Mandac Herodesca Tiro pueblopi, Sidón pueblopi causaccunahuanmi yallita piñarirca. Chashna piñarishpami, chai llactapi causaccunaman ama imata catuchun mandarca. Chaimantami paicunaca shuc yuyailla tucushpa, Herodespac mayordomo Blastota Herodes-huan parlashpa cuchun mañarcacuna. Chai llactacunapi causaccunaca Herodespac llactamantami micunata randishpa causac carca. Chaimantami mana piñanacunata munarcacuna.

SAN MATEO 11:21

«¡Aij, Corazín pueblolla, Betsaida pueblolla! Cancunapac pueblocunapi ruhuashca shinata Tiro pueblopi, Sidón pueblopi ruhuashca cacpica, llaquirishpa, sharpa churanata churarishpa, uchupahuan cahuirishpa, Diosman cutirinmanmi carca.

ZACARÍAS 9:2

Shinallatac Israel llacta cuchullapi cac Hamat llactatapish, Tiro, Sidón llactacunatapish chaipi causaccuna yallita yachaccuna cacpipish chaparacunmi.

ISAÍAS 23:12

Cutinllatac paica: «Sidón llactapi llaquichishca carihuan mana chayarishca solteracunalla, ña mana ashtahuan cushicunguichu. Quitim llactaman pasangapac jatarichicyari. Chaipipish mana samaringuichu» nirca.

GÉNESIS 49:13

Zabulón mama cucha patapimi causangui. Cambac llactaca barcocuna shayanapimi canga. Cambac allpaca Sidoncamanmi canga.

GÉNESIS 10:15

Canaanca ishcai churitami charirca. Punta churica Sidón, quipa churica Hetmi carca.

JOSUÉ 19:28

Shinallatac Hebrón, Rehob, Hamón, Caná pueblocunata rishpa, jatun pueblo Sidoncamanmi carca.