HECHOS 26:3 - Dios Rimashcata Quillcashcami

³ Chaica, canca ñucanchic israelcuna imata ruhuanmantapish, imamanta rimanacucushcatapish allita yachanguimi. Chaimanta ñuca huillashcata mana piñarishpa uyachunmi mañani.

Nuevo Testamento en Quichua Cañar 1996

³ Tucuita yallica, ñucanchic israelcunapura imata ruhuac cashcatapish, imamanta rimanacucushcatapish, canca alli yachanguimi. Chaimanta cantaca: ‘Ama p'iñarishpa, ñuca huillashcata allita uyai’ nishpami mañani.

HECHOS 26:3 Referans Kwoze

HECHOS 6:14

Shinallatac Nazaret pueblomanta Jesusca, Diosta mañana huasitapish urmachingami. Moisés ñucanchicta yachachishcatapish chingachishpa, shuclayatami yachachinga nictami uyarcanchic— nirca.

HECHOS 26:26

Caicunaca mana pacallapichu tucushca, ashtahuanpish caipi tiyacuc mandac Agripapish, allimi yachan. Chashna cacpimi, ñucaca paipac ñaupapi mana manchashpa huillacuni.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

HECHOS 28:17

Quimsa punzhata chaipi cashpami, Pabloca israelcunata mandaccunata cayac cacharca. Paicuna ña tandanacumucpica: —Huauquicuna, ñucaca israelcunapish, ñucanchic ñaupa taitacuna yachachishcatapish ima mana allita mana ruhuashcanichu. Shina cacpipish, Jerusalenpi ñucata prezu japishpami, Roma llactata mandaccunaman curcacuna.

HECHOS 26:7

Chai cusha nishcatami ñucanchic chunga ishcai Israel aillucunaca tutapish, punzhapish Diosta alli nishpa shuyacuncuna. Jatun mandac Agripalla, chai cusha nishcata crishpa shuyacushcamantami israelcunaca ñucataca juchanchicun.

HECHOS 25:26

Ñucaca cai runamantaca imata mana jatun mandac Augustoman quillcai pudinichu. Chaimantami jatun mandac Agripalla, can imatapish tapushcata quillcashpa cachangapac cambac ñaupaman, tucui caipi caccunapac ñaupaman paitaca apamuni.

HECHOS 24:10

Chaimanta mandac Pablota maquihuan señata ruhuacpimi Pabloca: —Canca tauca huatacunatami cai llactata alli mandac cangui. Chaimantami mana manchashpa, rimasha nini.

HECHOS 24:4

Chaica mana ashtahuan piñachisha ninichu. Cai nishcallata uyashpa cui.

HECHOS 21:21

Ashtahuanpish cantaca caru llactapi causac israelcunataca: “Moisés mandashcacunata ama cazuichicchu, circuncisiontapish ama ruhuaichicchu, israelcuna imallata ruhuana cashcatapish ama ruhuaichicchu” nishpa yachachicushcatami, maijancunaca yachac chayashca.

DEUTERONOMIO 17:18

Jatun mandac mandai callarishpaca, levita cura cuidacuc quillcashca libromantami copiata llucchina can.

HECHOS 26:2

—Jatun mandac Agripalla, ñucata israelcuna imamanta juchanchicushcata cambac ñaupapi huillagricushcamantaca yallitami cushicuni.

JEREMÍAS 32:11

Chai quipaca sellashca escrituratapish, chai documento copiatapish japircanimi.