HECHOS 26:20 - Dios Rimashcata Quillcashcami

²⁰ Chaimantami puntaca Damasco pueblopi, Jerusalén pueblopi, tucui Judea llactacunapi huillarcani. Mana israelcuna llaquirishpa, Diosman cutirishpa, allita causachunmi huillarcani.

Nuevo Testamento en Quichua Cañar 1996

²⁰ Chashna cazushpami, Damasco pueblopi huillai callarircani. Shinallatac Jerusalén pueblopipish, tucui Judea llactacunapipish, mana israelcunamanpish:*f** ‘Mana alli causacushcata saquishpa, Taita Diosman cutirishpa, allita causaichic’ nishpa huillarcani.

HECHOS 26:20 Referans Kwoze

HECHOS 3:19

Cancunapac juchacunata perdonachunca, llaquirishpa, Diosman cutirichic. Chashna ruhuacpimi, Diosca cushi causaita cushpa samachinga.

SAN MATEO 3:8

Llaquirishpa Diosman cutirishca cashcata ricuchingapacca, alli pucuc grano shina, allita ruhuashpa ricuchichicyari.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Diosca juchacunata perdonashpa, paipac Espirituta cunga.

APOCALIPSIS 2:5

Chaimanta can maimanta mana allita ruhuanata callarircangui, chaita yuyarishpa Diosman llaquirishpa cutiri. Callaripi ima shina cashca shinallatac cai. Can llaquirishpa Diosman mana cutiricpica, cambacman utca shamushpa, cambac candelerota maipi tiyacushcamanta anchuchishami.

SAN MATEO 9:13

Diosca: “Animalcunata ñucaman cushpa rupachinapac randica, shungumanta llaquiccuna cachunmi munani” ninmi. Ñucaca cashcata ruhuaccunataca mana cayac shamurcanichu, ashtahuanpish juchayuccunatami llaquirishpa Diosman cuti richun cayac shamurcani— nirca.

APOCALIPSIS 3:3

Callaripi ima shina yachacushcata, uyashcata cazushpa, Diosman cutirishpa catirai. Can mana chashna ruhuacpica can mana yuyashca horasmi shuhua shina cambacman shamusha.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

2 CORINTIOS 7:10

Dios munashca shina llaquirishpaca, Diosman cutirishpa quishpirinatami japinga. Chaimantaca mana llaquirinachu can. Ashtahuanpish cai pacha munaicunamanta llaquirishpaca, huañuitami japinga.

1 TESALONICENSES 1:9

Chaipac randica, paicunallatacmi ñucanchicta cancuna ima shina chasquishcata, ruhuashcalla dioscunata saquishpa, causac Diostatac servi callarishcata parlancuna.

2 CORINTIOS 3:16

Shina cacpipish Mandac Diosman cutiricpica, chai jarcashca pañoca anchurinmi.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

HECHOS 26:17

Cantaca israelcunamantapish, mana israelcunamantapish huacaichishami. Paicunaman huillachunmi cachani.

HECHOS 20:21

Israelcunamanpish, mana israelcunamanpish Diosman llaquirishpa cutirinamanta, Apunchic Jesucristota crinamantami huillarcani.

HECHOS 17:30

Diosca utcaman runacuna mana yachashcamanta juchallishcataca cungarircami. Ashtahuanpish cunanca tucui cai pachapi causaccuna juchayuc cashcamanta llaquirishpa, paipacman cutirichunmi mandan.

HECHOS 15:19

Chaimanta mana israelcunapish Diosta catisha nicpica, mana ruhuanacunata ruhuachun nishpa, pandachinaca, mana allichu yuyachin.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

HECHOS 9:35

Chashna alliyachishcata ricushpaca, Lida pueblo causaccunapish, Sarón pueblopi causaccunapish tucuimi Apunchic Jesusta crircacuna.

HECHOS 9:15

Chashna nicpipish, Apunchic Jesusca: —Rilla, paitaca mana israelcunamanpish, jatun mandaccunamanpish, israelcunamanpish ñucamanta huillachunmi acllarcani.

SAN LUCAS 15:10

Ñucaca ninimi: Chashnallatacmi shuc juchayuc llaquirishpa Diosman cutiricpica, Diospac angelcunapish yallita cushicun» nirca.

SAN LUCAS 15:7

Ñucaca ninimi: Chashnallatacmi jahua pachapica, iscun chunga iscun llaquirishpa, Diosman mana cutirishcacunamanta yalli, shuc juchayuc llaquirishpa Diosman cutiricpica, ashtahuan cushicui tiyan.

SAN LUCAS 13:5

Mana chaimantachu chashna tucushca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic— nirca.

SAN LUCAS 13:3

Mana, mana yalli juchayuccuna cashcamantachu chashnaca tucurca. Cancunapish juchayuc cashcamanta llaquirishpa, Diosman mana cutirishpaca, tucuimi huañunguichic.

SAN LUCAS 1:16

Achca israelcunatami, Mandac Diospacman cutichimunga.

MARCOS 6:12

Yachacuccuna rishpaca, juchayuc cashcamanta llaquirishpa, Diosman cutirichunmi gentecunaman huillarca.

SAN MATEO 4:17

Chaimanta pachami Jesusca: «Diosca ñami mandagrin. Chaimanta juchayuc cashcamanta llaquirishpa, Diosman cutirichic» nishpa, huillai callarirca.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

OSEAS 12:6

Cancunaca Mandac Diospacman cutirishpa llaquiccunapish, cashcata ruhuaccunapish caichic. Tucui causaipi Mandac Diosllata yuyarishpa causaichic.

APOCALIPSIS 16:11

Ashtahuanpish millaita ruhuanataca manatac saquircacunachu. Sisu ungüihuanpish, nanaihuanpish cashpami, jahua pacha Diostaca piñashpa rimarcacuna.

APOCALIPSIS 2:21

Pai huacllirinata saquishpa, Diosman llaquirishpa cuti richun nishpami, tauca punzhacunata saquircani. Shina cacpipish mana cutirishpami, millaita ruhuanataca mana saquin.

LAMENTACIONES 3:40

Ñucanchic ima shina causacushcata allita yuyarishpa, Mandac Diospacman cutirishunchic.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

JEREMÍAS 18:11

Chaimanta cunanca tucui Judá llactapi, Jerusalenpi causaccunataca: “Mandac Diosca: Cancunata piñashpa llaquichinatami yuyaricuni. Jatun llaquihuan ima shina llaquichinatapish ñami yuyaricuni. Chaimanta cada quiquin mana alli causaita saquishpa cutirichic. Cancunapac causaipipish, cancuna imata ruhuanapipish allita ruhuai callarichic” ninmi ningui.

JEREMÍAS 35:15

Ñucata servic huillaccunata punzhanta cancunapacman cachashpa: “Tucui cancuna mana alli causaita saquishpa, ñucapacman cutirichic. Shuctac dioscunatapish ama servinguichicchu. Chashna causashpami cancunamanpish, cancunapac taitacunamanpish ñuca cushca cai llactapica causanguichic nishpa huillachicucpipish, cancunaca manatac uyarcanguichicchu, manatac cazurcanguichicchu.

HECHOS 26:19

Jatun mandac Agripalla, ñucaca jahua pachamanta muscuipi shina ricuchishcatami cazurcani.