HECHOS 23:14 - Dios Rimashcata Quillcashcami

¹⁴ Paicuna Israel curacunata mandac curacunapacman, pushac yuyaccunapacman rishpaca: —Ñucanchicca Pablota huañuchingacaman, imata mana micungapacmi ari ninacurcanchic. Mana chaita pactachicpica, Dios ñucanchicta llaquichichunmi yuyarinacurcanchic.

Nuevo Testamento en Quichua Cañar 1996

¹⁴ Paicunami Israel*f** curacunata mandac curacunapacman, cunac yuyaccunapacman rishpa: —Ñucanchicca: ‘Pablota huañuchingacamanmi, imata mana micushun. Mana chaita pactachicpica, Taita Dios ñucanchicta llaquichichun’ nishpami, shuc yuyailla tucushpa ari ninacurcanchic.

HECHOS 23:14 Referans Kwoze

HECHOS 23:12

Cayandi tutamanta maijan israelcunaca Pablota huañuchingacaman manatac micungapac, manatac ubiangapacmi ari ninacurca. Mana chaita pactachicpica, Dios llaquichichunmi ari ninacurca.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

MIQUEAS 7:3

Paicunapac maquica ima mana allita ruhuangapac yachachishcami. Jatun mandaccunaca mana allita ruhuangapacmi imatapish cuchun mañacun. Juezcunaca imata pacalla japishpami mandan. Mandacpish, paipac shungu munashcatami riman. Chashnami allita ruhuanataca saquin.

OSEAS 4:9

Gentecunapish, curacunapish chashnallatacmi can. Paicuna ima shina ruhuashpa causashca shinallatacmi llaquichisha.

ISAÍAS 3:9

Paicunapac ñahuillatacmi paicunapac juchataca ricuchicun. Sodoma pueblopi causaccuna shinami, tucuipac ricuipi juchata ruhuancuna. Imatapish mana pinganchu. ¡Aij, paicunapac almalla, imachari tucunga! Paicunallatacmi jatun llaquitaca yallita mirachishca.

JEREMÍAS 6:15

¿Millana juchata ruhuashcamantaca pinganchu? ¡Paicunaca mana pinganchu! ¡Ima shina pinganatapish mana yachanchu! Chaimantami paicunaca ñuca llaquichi punzhapica, urmaccunahuan pacta llaquipi urmanga. Chaitaca Mandac Dios ñucami nini» nirca.

HECHOS 23:13

Chashna ruhuangapac ari niccunaca, chuscu chunga yalli runacunami carca.

HECHOS 23:20

Shina nicpimi, chai huambraca: —Israelcunami caya Pablota ashtahuan alli tapushun nic tucushpalla, mandaccunapacman apamuchun mañagricun.

HECHOS 23:21

Chaitaca ama cringuichu. Chuscu chunga yalli runacunami pacalla chapagricuncuna. Paicunaca Pablota huañuchingacaman, imata mana micungapac, imata mana ubiangapacmi ari nishca. Mana chaita pactachicpica, Dios llaquichichun nishcacunami. Cunanca can imata nicllatami shuyacun— nirca.