HECHOS 22:25 - Dios Rimashcata Quillcashcami

²⁵ Paita soldadocuna huatagricucpimi, Pabloca mandac soldadotaca: —Roma llacta runataca, manarac imata tapushpaca, ¿macanallachu canga?— nirca.

Nuevo Testamento en Quichua Cañar 1996

²⁵ Chaipi paita huatashpa macagricucpimi, pasac soldadocunata mandactaca Pabloca: —Uyai. Ñucaca Roma*f** llactamanta cashca shinallatacmi cani. Mandashcapi nishca shinaca, manarac imata tapushpaca, ¿ñucata macanallachu canga?— nirca.

HECHOS 22:25 Referans Kwoze

HECHOS 16:37

Shina nicpipish, Pabloca soldadocunataca: —Ñucanchicca Roma llacta runacunami canchic. Ñucanchictaca manarac imata tapushpami, tucui gentecunapac ñaupapi macachishpa, carcelpi churachirca. Chashna ruhuashca jahuachu, cunanca pacalla cacharichun nishca. Paicuna cacharingapac shamungacamanmi, ñucanchicca mana rishpa, caillapitac cashun— nirca.

HECHOS 25:16

Shina nicpimi ñucaca: “Roma llacta mandashcacunapi nishca shinaca, juchanchiccunapac ñaupaman manarac apamushpa, pai rimashcata manarac uyashpaca, pitapish mana huañuchinachu canchic” nircani.

HECHOS 27:43

Chashna cacpimi, soldadocunata mandacca Pablota mana huañuchingaraicu huambunata yachaccunarac, huambushpa llucshichun,

HECHOS 23:17

Chaimanta Pablo pasac soldadocunata mandaccunamanta shuctac cayashpaca: —Cai huambrata huaranga soldadocunata mandacpacman pushashpa cui. Paimi imatachari huillac shamushca— nirca.

HECHOS 27:3

Cayandi punzhaca Sidón pueblomanmi chayarcanchic. Chai pueblopimi mandac Julioca Pablota llaquishpa, paipac ricsishcacunapacman cacharca. Shinallatac Pablota ayudachunpish saquircami.

HECHOS 27:1

Ñucanchicta Italia llactaman cachanata yuyarishpaca, Pablotapish, shuctac prezucunatapishmi pasac soldadocunata mandac Julioman cushpa cacharca. Paica jatun mandac Augustopac soldadocunapurami carca.

HECHOS 10:1

Cesarea pueblopica, Cornelio shuti runami causarca. Paica Italia llactamanta patsac soldadocunata mandacmi carca.

SAN MATEO 27:54

Patsac soldadocunata mandacpish, Jesusta cuidaccunapish allpa chucchucta, shuctac ima tucushcacunata ricushpaca yallita mancharishpami: —Cai runaca Diospac Churitacmi cashca— nircacuna.

SAN MATEO 8:8

Shina nicpimi, soldadocunata mandacca: —Apunchic Jesús, ¿ñuca ima alli cacpitac, ñuca huasimanca risha ninguiyari? Can caimanta alliyachun nilla. Chashna nicpica, alliyangallami.

SAN MATEO 10:17

Cuidaringuichic, mandaccunapacmanpish japichingami. Tandanacuna huasicunapimi macanga.

HECHOS 22:26

Chaimanta chai huaranga soldadocunata mandacpacman rishpaca: —Chai runaca Roma llactamantami cashca. Cunanca, ¿imatac ruhuagringui?— nirca.

HECHOS 23:27

Cai ñuca cachashca runataca, israelcuna japishpa huañuchigricucpimi, pai Roma llacta runa cashcata yachashpa, ñuca soldadocunahuan rishpa misarcani.