HECHOS 21:24 - Dios Rimashcata Quillcashcami

²⁴ Paicunata Diosta yuyarina huasiman pushashpa, paicunahuan armari. Paicuna acchata pitichunpish cullquita pagangui. Chashna ruhuacpica, tucui israelcunami canmanta ima uyashcatapish: “Mana chashnachu cashca. Paipish Moisés mandashcacunata pactachicllatacmi cashca” ningacuna.

Nuevo Testamento en Quichua Cañar 1996

²⁴ Diospac ñaupapi alli ricuringapacca paicunahuan armarishpa, paicuna acchata p'itichunpish cuna cashcata paicunamanta cungui. Chashna ruhuacpica, tucui israelcunami canmanta ima uyashcatapish: ‘Mana chashnachu cashca. Paipish Moisés mandashcacunata pactachicllatacmi cashca’ ningacuna.

HECHOS 21:24 Referans Kwoze

HECHOS 21:26

Chaimantami Pabloca cayandi punzha chai chuscu runacunata pushashpa, Diospac ñaupapi alli ricuringapac armaringapac rirca. Chashna ruhuashpaca, paicuna armarina punzhacuna ima punzha tucurina cashcata curacunaman huillangapacmi, Diosta mañana huasiman yaicurca. Chai punzhapimi ofrendata cuna carca.

HECHOS 24:18

Diospac ñaupapi alli ricuringapac armarishca quipami, Asia llacta maijan israelcuna Diosta mañana huasi ucupi ricurirca. Chaipica mana tauca gentecunahuanchu carcani, mana pita bullapi churacurcanichu.

HECHOS 18:18

Pabloca tauca punzhacunatami Corinto pueblollapi saquirirca. Chai quipami criccunata chaipi saquishpa, Priscilahuan, Aquilahuan Siria llactaman barcopi rirca. Chashna rishpami, Cencrea pueblopi acchata pitichirca. Diospacta ruhuangapac ari nishcata pactachingapacmi chashna ruhuarca.

1 CORINTIOS 9:20

Israelcunahuan cashpaca, paicuna Cristopacman shamuchunmi israelcuna shina tucuni. Moisés mandashcacunata pactachiccunahuan cashpaca, paicuna Cristopacman shamuchunmi chai mandashcacunata pactachiccuna shina tucuni. Shina cacpipish, ñucaca mana chai mandashcacunata pactachicchu cani.

ÉXODO 19:14

Moisés urcumanta urai shamushpaca, tucui israelcunatami Diospacllata ruhuarca. Paicunaca churanacunatapish tacsharcami.

GÁLATAS 2:12

Jacobo cachashcacuna manarac chayacpica, Pedroca mana israelcunahuanpish micucllami carca. Shina cashpapish “circuncisionta ruhuanaca allimi” niccuna chayacpica, paicunata manchashpami mana israelcunahuan micunata saquishpa raquirircalla.

SAN JUAN 11:55

Israelcunapac Pascua fiesta punzhacunaca ñami caillapi carca. Chaimantami chai punzhacuna manarac chayamucpi, achca gentecuna chuyayangapac Jerusalenman rircacuna.

SAN JUAN 3:25

Chaipimi Juanpac maijan caticcunahuan, maijancunaca, Israel shuc runahuan chuyayanamanta rimanacurca.

JOB 41:25

Pai jataricpica yallita sinchicunapish, manchaillatacmi yuyaita chingachishpa callpancuna.

JOB 1:5

Chai jatun micui punzhacuna tucuricpica, Jobca paipac huahuacunatami cayac carca. Paica Diospaclla tucuchunmi tutamanta utca jatarishpa, cada shucmanta Diosman animalcunata cushpa huañuchishpa, tucui rupachic carca. Jobca: «Ñuca huahuacunaca juchallishpa, Diostapish llaquichishpa paicunapac shungupi mana allita rimarcapishchari» yuyashpami, jatun micui punzhacuna tucurishca quipaca, chashna ruhuac carca.

JUECES 13:5

Cunanca huicsayuc tucushpami, huahuata charigringui. Chai huahuataca acchatapish ama pitinguichu. Chai huahuaca mamapac huicsamanta pachami nazareo canga. Paimi israelcunataca filisteocunapac maquimanta quishpichinga» nirca.

NÚMEROS 6:18

Chai quipaca nazareo tucushca runami Dios-huan tupana huasi yaicunapi acchata pitinga. Chaimantaca Dios-huan alli tucungapac Diosman carashcata rupacuc nina ucupimi churanga.

NÚMEROS 6:13

Nazareo tucushca punzhacuna pactacpica, chai nazareoca cai mandashcacunatami ruhuana can. Dios-huan tupana huasi yaicunaman shamushpami,

NÚMEROS 6:9

Maijan cashpapish cungailla paipac cuchupi huañucpi, tuparishpa Diospaclla cashcata ricuchic uma acchata mapayachishpaca, chuyayana punzhapimi acchata rutuchina can. Chaitaca canchisniqui punzhapimi ruhuana.

NÚMEROS 6:5

Ima punzhacaman nazareo tucushca pactangacamanmi acchata mana pitina can. Nazareo tucushpa, Diospaclla chicanyarishca punzhacuna pactangacamanmi jucha illac canga, shinallatac acchatapish huiñachun saquina can.

ÉXODO 19:10

Chaimantami Mandac Dios Moisestaca: —Israelcunapacman rishpa cunanpish, cayapish ñucapaclla cachun, shinallatac paicunapac churanatapish tacshachun mandai.