HECHOS 21:20 - Dios Rimashcata Quillcashcami

²⁰ Chashna parlacta uyashpaca, Diosta “allimari cangui” nishpami: —Huauqui, riquiyari, huaranga huaranga israelcunami Jesustaca crishca. Tucui chaicunami: “Moisés mandashcacunataca cazunami canchic” nicuncuna.

Nuevo Testamento en Quichua Cañar 1996

²⁰ Chashna parlacta uyashpaca, tucuimi Taita Diostaca “allimari cangui” nircacuna. Shina nishca q'uipami, Pablotaca cashna nircacuna: —Huauqui, riquiyari. Huaranga huaranga israelcunami*f** Jesustaca crishca. Tucui chaicunami: ‘Moisés mandashcacunataca cazunami canchic’ nicuncuna.

HECHOS 21:20 Referans Kwoze

ROMANOS 10:2

Paicuna Diosta servina munaita yallita charishcataca yachanimi. Shina cashpapish, ima shina pactachinataca mana yachancunachu.

GÁLATAS 1:14

Ñaupa taitacuna yachachishcata allita huacaichic cashpami, israelcuna yachachishcata caticushpaca, ñucahuan huiñai israelcunata atishpa ashtahuan alli cazuc carcani.

HECHOS 22:3

«Ñucaca Cilicia llacta Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucataca Gamalielmi allita yachachirca. Ñaupa taitacunaman mandashcacunata tucuita pactachicmi cani. Ima shinami cunan punzhacunapi cancuna tucui shunguhuan Diosta servicunguichic, chashnatacmi ñucapish servini.

HECHOS 15:1

Chai punzhacunapi Judea llactamanta Antioquía puebloman maijancuna shamushpa, criccunata yachachishpaca: «Moisés mandashca shina circuncisionta mana ruhuashpaca, mana quishpiringuichicchu» nishpami yachachirca.

HECHOS 11:18

Chashna nicta paicuna uyashpaca, mana imata nircacunachu. Ashtahuanpish Diostaca “allimari cangui” nishpami: —¡Diosca mana israelcunapish Diosman cutirishpa, huiñai causaita charichunmi munan!— nirca.

HECHOS 15:5

Chashna parlacpipish, fariseopuramanta maijan criccuna shayarishpaca: —Mana Israel criccunataca circuncisionta ruhuashpa, Moisés mandashcacunata pactachichunmi yachachina canchic— nirca.

2 TESALONICENSES 1:10

Chai punzhapi Apunchic Jesucristo cutimucpica, tucui paipaclla cac criccunaca mancharishpami paita alli ninga. Cancunapish ñucanchic huillashcata crishcamantaca chaipimi canguichic.

HECHOS 15:24

Manapish ñucanchic mandacpi, ñucanchicpuramanta maijancuna cancunapacman rishpa: “Circuncisionta ruhuashpa, Moisés mandashcacunata pactachinami canguichic” nishpa, pandata yachachishcatami uyashcanchic.

HECHOS 6:7

Ashtahuanmi Diospac shimita Jerusalenpi huillashpa catirca. Jesusta criccunapish ashtahuanmi mirarishpa catirca. Shinallatac Israel curacunapish, achcacunami Jesusta crircacuna.

HECHOS 4:21

Pedropish, Juanpish chai runata alliyachishcamantaca tucui gentecunami Diosta “allimari cangui” nircacuna. Chaimantami mana juchanchipac cacpi, cacharircalla.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

HECHOS 2:41

Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

SAN JUAN 12:24

Trigo muyu allpapi mana urmashpa, mana huañushpaca paillami saquirin. Ashtahuanpish allpapi urmashpa, huañushpaca achcatami pucun. Chaica chashnatacmi can.

SAN LUCAS 15:32

Cai cambac huauquica, chingarishcami carca, cunanca cutimushcami. Huañushcami carca, cunanca causarishcami. Chaimantami jatun micuita ruhuashpa, cushicuna canchic” nircami» nirca.

SAN LUCAS 12:1

Huaranga huaranga gentecuna ñitirinacushpa shamucpimi, Jesusca paipac yachacuccunataca: —Fariseocunapac levaduramanta cuidaringuichic. Paicunaca mishqui shimi, jayac shungucunami.

SALMOS 22:27

Cai pacha tucuri llactacunapi causaccunami Mandac Diosta yuyarishpa paiman cutingacuna. Tucui llactapi causaccunami cambac ñaupapi alli nishpa cumuringacuna.

SALMOS 22:23

Tucui Mandac Diosta manchaccuna alabaichicyari. Tucui taita Jacobopac huahuacuna paitaca alli nichicyari. Taita Israelpac huahuacuna tucui mashna paita cazuichicyari.

GÁLATAS 1:24

Chaimantami ñucamantaca Diosta “allimari cangui” nircacuna.

SAN MATEO 9:8

Chaita tucui gentecuna ricushpaca, runacunaman poderta cushcamantami mancharinacushpa, Diostaca “allimari cangui” nircacuna.