HECHOS 20:9 - Dios Rimashcata Quillcashcami

⁹ Chaipica Eutico huambrami ventanapi tiyacurca. Pablo unaicaman huillacushcamantami chai huambraca sueñushpa, quimsa alto jahuamanta urmarca. Paita ricungapac ricpica, ñami huañushca cashca carca.

Nuevo Testamento en Quichua Cañar 1996

⁹ Chaipica Eutico huambrami ventanapi tiyacurca. Pablo unaicaman huillacushcamantami, chai huambraca suiñuihuan hualintishpa, ñapish quimsa altomanta ucu pambaman urmarca. Paita ricugricpica, ñami huañushca cashca carca.

HECHOS 20:9 Referans Kwoze

MARCOS 13:36

Pacta cungailla chayamushpa, cancunataca sueñucucta japinman.

HECHOS 14:19

Antioquía pueblomantapish, Iconio pueblomantapish maijan israelcuna shamushpami, gentecunata jatarichirca. Pablota rumicunahuan shitashpa, huañunallata ruhuashpami, “ñami huañun” nishpa, aisashpa, chai pueblomanta llucchirca.

MARCOS 9:26

Chashna rimacpimi, supaica caparishpa, huambrata chucchuchishpa llucshirca. Huambraca huañushca shinami pambapi saquirirca. Chaita gentecuna ricushpaca: —Ña huañun— ninacurca.

1 REYES 17:19

Shina nicpimi Eliasca: —Cambac cari huahuata caiman apamui— nirca. Shina nicpi, chai huahuata apamucpimi Eliasca huahuata japishpa, paipac ucuman apashpa cama jahuapi sirichirca.

HECHOS 20:7

Semana callari punzhapica, tucui criccunami Jesús huañushcata yuyarishpa, tandata micungapac tandanacurcanchic. Pabloca cayandi ña rina cashcamantami, chaupi tutacaman yachachicurca.

HECHOS 20:8

Tandanacushca alto ucupica, achca lamparacunami japichishca carca.

HECHOS 20:10

Jahuamanta Pablo uricushpa, chai huambrata ucllarishpaca: —Ama mancharichicchu. Huambraca causacunmi— nircami.