HECHOS 20:29 - Dios Rimashcata Quillcashcami

²⁹ Ñuca rishca quipaca shuccuna shamushpami, ovejacunata manchachishpa, caita chaita cachac shina, criccunata chingachinga.

Nuevo Testamento en Quichua Cañar 1996

²⁹ Ima shinami millai atuccuna shamushpa, ovejacunata manchachishpa, caita chaita cachac shinami, ñuca rishca q'uipaca, criccunata chingachingapac shuccunaca shamunga.

HECHOS 20:29 Referans Kwoze

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

2 PEDRO 2:1

Israelcunapurapica Diosmanta huillaccunami canchic nishpa, llulla huillaccunami tiyarca. Chashnallatacmi cancunapurapipish llullashpa yachachiccuna, Quishpichic Apunchic Jesusta mana ricsinichu nishpa, allita yachachicuc shinalla llaquiman apac yuyaicunata yachachinga. Chashna yachachishpaca, paicunallatacmi utca llaqui tucugricuncuna.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

SAN JUAN 10:12

Ashtahuanpish cullquillamanta michicca mana alli michicchu. Mana paipac ovejacuna cashcamantaca atuc shamucpica, shitashpa rinllami. Atucca ovejacunata manchachishpa, maitapish shic-huashpa cachanllami.

SAN LUCAS 10:3

Cancunataca atuccunapac chaupita ovejacunata cachac shinami cachani. Cunanca richiclla.

SAN MATEO 10:16

Ñucaca cancunataca ovejacunata atuccunapac chaupita cachac shinami cachani. Chaimanta cancunaca culebra shina yuyaisapa, paloma humilde caichic.

ZACARÍAS 11:17

¡Aij, manada ovejacunata shitac, mana vali michiclla! Paipac rigratapish, alli lado ñahuitapish, espadahuan chugrichichun. Paipac rigrapish tucui chaquichun. Alli lado ñahuipish amsayachun» nirca.

JEREMÍAS 23:1

Mandac Diosca: «¡Aij, ñuca ovejacunata caita chaita cachashpa chingachic michiccunalla!» ninmi.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

JEREMÍAS 13:20

Jahua lado llactamanta shamuccunata huichai ricuichicyari. ¿Maipitac canman saquishca sumac ovejacunaca?

EZEQUIEL 22:27

Mandaccunapish animalcunata japic atuc shinami, millaita ruhuashpa cullquita japingaraicu gentecunata huañuchishpa, yahuarta jichancuna.

EZEQUIEL 34:8

Ñuca shutipimi nini: Michic illac cashcamantami Ovejacunataca shuhuarca. Sacha millai animalcunami japishpa micurca. Ñuca ovejacunata michiccunaca mana yuyarircacunachu, ashtahuanpish paicunapuralla cuidarishpami, ñuca ovejacunataca mana cuidarca.

DANIEL 11:34

Paicuna urmacpica, ashacunallami ayudanga. Achca gentecunami sumac llulla parlocunahuan shamushpa, paicunahuan tandanacunga.

SAN LUCAS 12:32

Cancunaca ashalla ovejacuna shina cashpapish ama manchaichicchu. Diosmi cushicushpa cancunahuan mandasha nicun.

SAN JUAN 21:15

Micushca quipami, Jesusca Simón Pedroman tapushpaca: —Juanpac churi Simón, ¿caishuccunata atishpachu ñucata cuyangui?— nishpa tapurca. Chashna tapucpi Pedroca: —Ari, Apunchic Jesús, canta cuyac cashcataca canllatac yachanguimi— nirca. Chashna nicpimi Jesusca: —Shinashpaca ñuca pactalla ovejacunata cuidangui— nirca.

1 PEDRO 5:2

Dios cancunaman mingashca criccunataca ovejacunata michic shina, quiquin munaihuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana quillanayachishpa chaparaichic.

SAN JUDAS 1:18

Paicunaca: «Tucuri punzhacunapica, paicuna munashca shina mana alli munaillahuan causashpa, burlaric gentecunami tiyanga» nircacunami.