HECHOS 20:28 - Dios Rimashcata Quillcashcami

²⁸ Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

Nuevo Testamento en Quichua Cañar 1996

²⁸ Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

HECHOS 20:28 Referans Kwoze

1 TIMOTEO 4:16

Can ima shina yachachicushcamanta, shinallatac ima shina causacushcamantapish alli cuidaringui. Chashna ruhuashpami canpish quishpiringui, shinallatac can huillashcata uyaccunapish quishpiringacuna.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

HECHOS 13:2

Paicuna ayunashpa, Diosta mañashpa tiyacucpimi, Diospac Espirituca: «Bernabetapish, Saulotapish huillachun cachaichic. Paicunataca ñami acllarcani» nirca.

JEREMÍAS 3:15

Chaipi cancunata michichunca, ñuca shungu munashca shinami, michiccunata churasha. Paicunami alli yuyaihuan, alli yachaihuan michinga.

HEBREOS 13:17

Cancunata pushaccunata cazuichic. Diosca paicunatami cancunamanta tapunga. Chaimantami paicunaca mana samarishpa cancunataca ricuracun. Paicuna mana llaquirishpa, cushilla servichunca, paicunahuan alli caichic. Chaimi paicunamanca alli canga.

1 TIMOTEO 5:17

Tandanacushca criccunata allita pushaccunaca, ashtahuancarin alli huillaita huillaccuna, yachachiccunami tucuimanta yallita japina can.

1 CORINTIOS 10:32

Cancunaca israelcunatapish, mana israelcunatapish, Diospaclla cac tandanacushca criccunatapish ama pandachichicchu.

MIQUEAS 5:4

Chai Mandacca Mandac Diospac sumac poderhuanmi michinga. Chaimantami paicunaca cushilla causanga. Pai yallita sinchiyachicpimi, mana manchashpa causanga.

FILIPENSES 1:1

Ñucanchicca Apunchic Jesucristopacta ruhuaccuna cashpami, Pablohuan Timoteohuan tucushpa, Filipos pueblopi causac tandanacushca criccunata pushaccunaman, ayudaccunaman, shinallatac Jesucristohuan shuc shinalla tucushca, Diospaclla cac tucui criccunamanpish caita quillcashpa cachanchic.

EFESIOS 1:7

Pai cuyashcamantami, paipac Churipac yahuarhuan ñucanchictaca huatashca shinamanta cacharichishpa, juchacunata perdonarca.

SAN LUCAS 12:32

Cancunaca ashalla ovejacuna shina cashpapish ama manchaichicchu. Diosmi cushicushpa cancunahuan mandasha nicun.

EZEQUIEL 34:31

Cancunaca ñuca quihuapi micuc, ñuca ovejacunami canguichic. Ñucaca cancunapac Mandac Diosmi cani” ninmi ningui» nirca.

1 TIMOTEO 3:5

Maijanpish quiquin huasipi mana alli pushashpaca, ¿ima shinatac Diospaclla tandanacushca criccunataca pushangayari?

APOCALIPSIS 5:9

Shinallatac shuc mushuc cantota cantashpaca: «Canllami sellota churashcacunata anchuchishpa, pillushca pangata pascaipac cangui. Canca huañushpami, Diospac cachun tucui aillucunamantapish, tucuilaya rimaita rimaccunamantapish, tucui llactacunamantapish, tucuilaya gentecunamantapish cambac yahuarhuan randishpa tandachishcangui.

1 TIMOTEO 4:14

Criccunata pushaccuna Dios yuyaita cucpi cambac uma jahuapi maquita churashpa mañacpi, Dios imata ruhuachun cushcata pacta cungaringuiman.

EFESIOS 1:14

Cai shina ruhuashpami ñucanchictaca huatashca shina cashcamanta cacharichishpa, paipacllata ruhuashpa, pai cusha nishcata chasquiccuna cashcata ricuchin. ¡Chashna ruhuashcamantaca Diosta “allimari cangui” nishunchic!

GÁLATAS 1:13

Ñuca ñaupaman israelcuna yachachishcata caticushpaca, Diospaclla tandanacushca criccunata yallita llaquichishpa, ima shinapish tucuchina yuyaihuan puricushcataca cancunallatacmi uyashcanguichic.

HECHOS 20:29

Ñuca rishca quipaca shuccuna shamushpami, ovejacunata manchachishpa, caita chaita cachac shina, criccunata chingachinga.

HECHOS 20:17

Pabloca Mileto pueblopi cashpami, Efeso pueblo tandanacushca criccunata pushac yuyaccunata cayac cacharca.

HECHOS 14:23

Tandanacushca criccunapurapica, ayunashpa Diosta mañashpami, pushac yuyaccunata acllashpa saquirca. Chashnami paicuna crishca Apunchic Jesusman mingarca.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

1 PEDRO 2:25

Cancunaca chingarishca ovejacuna shinami ñaupaca puricurcanguichic. Shina cashpapish cunanca cancunata cuidashpa Michic Cristopacmanmi tigrarishcanguichic.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

COLOSENSES 4:17

Shinallatac Arquipotapish, Apunchic Jesuspacta imata ruhuachun nishpa mingashcataca allita pactachichun nichic.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

1 CORINTIOS 15:9

Ñucaca Diospaclla cac tandanacushca criccunata mana ricunayachishpami yallita llaquichircani. Chaimanta tucui apostolcunamanta yalli yangallami cani. Shinallatac mana apóstol nishcapish cana canichu.

1 CORINTIOS 1:2

Corinto pueblopi cac Diospaclla tandanacushca criccunaman, caitaca quillcani. Cancunaca Cristo Jesus-huan shuclla tucushcamanta, Diospaclla tucushpa, shuctac llactacunapi Apunchic Jesucristoman tucui mañaccunahuan pacta, pai Diospaclla cachun acllashpa cayashcacunami canguichic. Apunchic Jesucristoca shuctac llactapi causaccunapacpish, ñucanchicpacpish Mandacmi.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

TITO 1:7

Maijanpish tandanacushca criccunata pushac cashpaca, Dios mingashcata ruhuac cashcamanta pi mana juchanchishca, mana utca piñaric, mana machac, pihuanpish mana piñanacuc, mana jatun tucushca, cullquita charingaraicu ima mana allita mana ruhuacmi cana can.

COLOSENSES 1:14

Paimantami juchacunata perdonashcapish, shinallatac huatashca shinamanta cacharichishcapish canchic.

1 CORINTIOS 11:22

Cancunaca, ¿manachu micungapac, ubiangapacca huasita charinguichic? ¿Diospaclla cac tandanacushca criccunatachu yangapi churasha ninguichic? ¿Imata mana chariccunatachu pingaipi churasha ninguichic? ¿Chaitaca allimi nishachu? ¡Chaitaca mana alli canichu!

MARCOS 13:9

Cancunaca alli cuidaringuichic. Cancunataca mandaccunapacman apangami. Tandanacuna huasicunapipish azotingami. Ñucata caticushcamantami mandaccunapacmanpish, jatun mandaccunapacmanpish apangami. Chashna apacpica, paicunaman ñucamanta huillanguichicmi.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

SAN MATEO 2:6

“Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

ZACARÍAS 11:4

Ñucata Mandac Diosca: «Huañuchina ovejacunata michi.

EZEQUIEL 34:3

Cancunaca oveja lecheta micushpapish, oveja millmamanta churarishpapish, huira oveja aichata micushpapish mana michinguichicchu.

JEREMÍAS 13:20

Jahua lado llactamanta shamuccunata huichai ricuichicyari. ¿Maipitac canman saquishca sumac ovejacunaca?

JEREMÍAS 13:17

Ashtahuanpish cancuna caita mana uyashpa, jatun tucucpica, ñuca shungullapimi pacalla huacasha. Mandac Diospac ovejacunata prezu apashcamantami yallita llaquirishpa, ñuca ñahuimanta huiquita jichasha.

ISAÍAS 63:11

Shina cacpipish, ñaupa punzhacuna israelcunata Moisés llucchimushcatami yuyarirca. Chaimantami paicunaca: «¿Maipitac michic shina paipac ovejacunata mama cuchata pasachishpa, huichai pushamucca? ¿Maipitac paicunapac ñaupapi paipac jucha illac Espirituta churacca?

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

SALMOS 74:2

Ñaupa punzhacunamanta can acllashcacuna cambac aillu cachun llaquimanta llucchishcacunata yuyariyari. Can causana Sión urcutapish yuyariyari.

JEREMÍAS 31:10

¡Llactapi causaccunalla, Mandac Dios ñuca rimashcata uyashpa, mama cucha patapi tiyac caru llactacunapi huillaichic! Chashna huillashpaca: “Israelcunata llucchishpa, caita chaita cachac Diosca cutinmi tandachishpa, ovejacunata michic shina cuidanga” nichicyari.

ROMANOS 16:16

Chuya shunguhuan muchashpa, caishuc chaishuc saludanacuichic. Cristota cric tucui tandanacushca criccunapish saludachun nishpami cachan.

1 CORINTIOS 6:20

ashtahuanpish Diosmi cancunataca tucuimanta yalli valic-huan randirca. Chashna cashcamanta cancunapac cuerpohuan, espirituhuan Diosta alli nina nichic. Cuerpopish, espiritupish Diospacmi can.

1 TIMOTEO 3:1

Maijanpish tandanacushca criccunata pushac casha nishpaca, alli ruhuanatami yuyan. Cai rimashcaca chashnatacmi can.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.