HECHOS 2:43 - Dios Rimashcata Quillcashcami

⁴³ Apostolcunaca milagrocunatapish, mancharinacunatapish tauca cutinmi ruhuarca. Chaita ricushpaca, tucui gentecunami mancharishpa saquirircacuna.

Nuevo Testamento en Quichua Cañar 1996

⁴³ Taita Dios imatapish ruhuachicpimi, Jesús acllashca huillaccunaca pi mana ruhuaipaccunatapish, pi mana ricushcacunatapish tauca cutin ruhuarcacuna. Chashna ruhuacta ricushpaca, tucui gentecunami mancharishpa mana amirircacuna.

HECHOS 2:43 Referans Kwoze

SAN JUAN 14:12

Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

SAN LUCAS 8:37

Chashna parlacpimi, tucui Gadara llactamanta shamuccunaca yallita manchaihuan carca. Chaimantami Jesustaca chaimanta richun nirca. Chashna nicpimi, Jesusca canoapi yaicushpa rirca.

SAN LUCAS 7:16

Chaipi caccuna mancharishpa, Diosta pagui nishpaca: —Dios ima nishcata jatun huillacmi ñucanchic chaupipica ricurishca. Diosmi, pai acllashca gentecunata ricungapac shamushca— nircacuna.

MARCOS 16:17

Ñucata criccunaca milagrocunatami ruhuanga: Ñuca shutipimi supaicunata llucchishpa cachanga, mushuc rimaicunatami rimanga.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Diosta mañarca. Chai huañushca huarmita ricungapac tigrarishpaca: —¡Tabita, jatari!— nirca. Shina nicpimi, chai huarmica ñahuita pascashpa, Pedrota ricushcahuan jatarishpa tiyarirca.

HECHOS 4:33

Apostolcunaca mana manchashpami, Apunchic Jesús causarishcata shungupi yaicucta huillarca. Diosca criccunata yallita cuyashpami, allicunata tucuiman yallita curca.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

HECHOS 9:34

Pedroca paitaca: —Eneas, cantaca Jesucristomi alliyachin. Jatari, cambac camata tandachi— nirca. Shina nicpica, Eneasca jatarishpa shayarircallami.

HECHOS 2:22

Tucui israelcuna, cai ñuca huillashcata alli uyaichic. Diosca Nazaret pueblomanta Jesusta cachashpami, mancharinacunata ruhuachishpa, milagrocunata ricuchishpa, Jesús pi cashcata cancunaman ricuchirca. Chaitaca cancunallatacmi alli yachanguichic.

HECHOS 5:5

Chaita uyashcahuanmi, Ananiasca chaillapitac huañurca. Tucui chaita uyaccunami yallita mancharirca.