HECHOS 2:4 - Dios Rimashcata Quillcashcami

⁴ Chashnami tucui chaipi caccunapi Diospac Espíritu yaicurca. Chaimantami Diospac Espíritu rimachicpi, chican chican rimaicunata rimai callarirca.

Nuevo Testamento en Quichua Cañar 1996

⁴ Chashna tiyarishpami, tucui chaipi caccunapac shunguman Diospac Espíritu shamushpa, paicunata rimachicpi, ch'ican ch'ican rimaicunata rimai callarircacuna.

HECHOS 2:4 Referans Kwoze

MARCOS 16:17

Ñucata criccunaca milagrocunatami ruhuanga: Ñuca shutipimi supaicunata llucchishpa cachanga, mushuc rimaicunatami rimanga.

HECHOS 13:52

Chai pueblopi causac criccunaca Diospac Espíritu shungupi junda cacpimi, yallita cushicurca.

HECHOS 4:31

Chashna mañashca quipaca, paicuna tandanacushpa tiyacuc huasica chucchurcami. Diospac Espíritu paicunapi junda cacpimi, mana manchashpa, Diosmanta huillarcacuna.

EFESIOS 5:18

Ama machaichicchu. Machaccunaca imapipish mana jarcarincunachu. Chaipac randica, Diospac Espíritu junda caichic.

1 CORINTIOS 12:10

Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

SAN JUAN 14:26

Chaica, Dios ñucapac shutipi cachagricuc Cushichic Espíritu shamushpami, tucuita yachachinga, tucui ñuca nishcacunatapish yuyachinga.

HECHOS 19:6

Pablo paicunapac uma jahuapi maquita churacpica, Diospac Espirituta chasquishpami, shuctac rimaicunata rimashpa, Dios yuyaita cushcata huillarcacuna.

HECHOS 10:46

Chaica, shuctac rimaicunatami rimacurca. Diostapish “allimari cangui” nicurcami.

HECHOS 9:17

Ananías Saulo tiyacuc huasiman rishpa, Saulopac uma jahuapi maquita churashpaca: —Huauqui Saulo, can caiman shamucucpi, ricuric Apunchic Jesusmi, cambac ñahui cutin ricuchun, shinallatac Diospac Espíritu cambac shungupi junda cachun, cambacman cacharca— nirca.

HECHOS 7:55

Ashtahuanpish Diospac Espíritu junda cashpami, Estebanca jahua pachata huichailla ricushpa, Diospac sumaimana cashcatapish, Apunchic Jesús paipac alli lado maquiman shayacuctapish ricurca.

HECHOS 1:5

Juanca yacullahuanmi bautizarca, ashtahuanpish asha punzhacuna quipaca, Diospac Espirituhuanmi bautizashca canguichic— nirca.

1 CORINTIOS 13:8

Dios ima nishcata huillanapish tucuringami. Jaicapi mana uyashca rimaicunata rimanapish, ña mana tiyangachu. Ima yachanacunapish tucuringami. Shina cacpipish, cuyaica jaicapi mana tucuringachu.

1 CORINTIOS 13:1

Gentecunapac rimaitapish, angelcunapac rimaitapish ñuca rimashpapish, cuyaita mana charishpaca, chilin nic fierro, chilin nic platillo shinallami uyarini.

HECHOS 13:9

Saulo shuti Pablo, paipac shungupi Diospac Espíritu junda cacpimi, chai brujota ricurashpa:

HECHOS 2:11

Shinallatac Creta llactamanta, Arabia llactamantami caipi canchic. Dios mancharinata ruhuashcataca, tucui shamuccunami quiquin rimaipi uyacunchic— ninacurca.

SAN LUCAS 12:12

Cancuna rimana horasca, Diospac Espiritullatacmi rimachinga— nirca.

1 CORINTIOS 14:18

Tucui cancunata atishpa, mana yachashca rimaicunata rimac cashcamantaca, Diostami pagui nini.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

HECHOS 4:8

Chaimantami Pedroca Diospac Espirituhuan cashpa: —Israelcunata mandaccunalla, pushac yuyaccunalla,

SAN JUAN 20:22

Chashna nishpa paicunata pucushpami: —Diospac Espirituta chasquichic.

SAN LUCAS 4:1

Jesusca Jordán yacumantaca Diospac Espíritu jundami cutirca. Diospac Espiritumi shitashca pambaman pusharca.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

1 CORINTIOS 14:5

Ñucaca tucui cancuna mana yachashca rimaicunata rimac cachunmi munaiman. Shina cacpipish, Dios ima nishcata huillaccuna cachunmi, ashtahuanca munani. Chashna cashpami, jaicapi mana yachashca rimaicunata rimacta atishpa, ashtahuan alli canguichic. Chai mana yachashca rimaicunata tandanacushca criccunaman entendichishpallami criccunapac allipac riman.

HECHOS 11:15

Ñuca paicunaman huillai callaricpica, sarun ñucanchicman shamuc shinallatacmi, Diospac Espíritu paicunapacmanpish shamurca.

HECHOS 6:5

Paicuna chashna nishcaca, tucui criccunapac yuyaipi allimi carca. Chaimantami Estebanta acllarca. Paica Diospac Espirituhuan cashpami, alli cric carca. Shinallatac Felipetapish, Procorotapish, Nicanortapish, Timontapish, Parmenastapish, israelcuna yachachishcata catic, Antioquía pueblomanta Nicolastapishmi acllarca.

HECHOS 6:3

Chaimanta, micunata tucuiman raquichunca cancunapuramanta alli yachac, alli causac, Diospac Espíritu junda, canchis runacunata acllaichic.

HECHOS 1:8

Diospac Espíritu cancunapacman shamucpimi, poderta chasquinguichic. Chaimantami Jerusalén pueblopipish, tucui Judea llactapipish, Samaria llactapipish, tucui llactacunapipish ñucamanta huillanguichic— nirca.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

ISAÍAS 28:11

¡Diosca cai gentecunataca jarca jarca rimac runa shina, mana ricsishca rimaipimi yachachinga!

2 SAMUEL 23:2

Paimi cashna cantarca: Mandac Diospac Espiritumi, ñucata rimachirca. Pai rimashca shimicunaca, ñuca callupimi.

EFESIOS 6:18

Diosta mañanataca ama saquichicchu. Diospac Espíritu yuyaita cushca shina mañaraichic. Mana quillanayachishpa chaparacuichic. Shinallatac Diospaclla cac tucui criccunamanta punzhanta Diosta mañaichic.

EFESIOS 3:19

Cristopac cuyaica tucui yachaicunamantapish ashtahuan yallimi. Chai cuyaitami cancunataca ricsichun munani. Chai cuyaita ricsishpami, Dios cancunapac shungupi causacushcatatac yachac chayanguichic.

HECHOS 11:24

Bernabeca alli runa, alli cric, Diospac Espíritu jundami carca. Chaimantami pai huillacpica, achca gentecuna Apunchic Jesusta crirca.

HECHOS 6:8

Diosca Estebanta cuyashpami, milagrocunatapish, mancharinacunatapish israelcunapurapi ruhuachun poderta curca.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SAN LUCAS 1:67

Juanpac taita Zacariasca Diospac Espíritu yuyaita cucpi, ima shina canamanta huillashpaca:

SAN LUCAS 1:41

María rimashca uyarincami Elisabetpac huicsapica huahua cuyurirca. Diospac Espiritupish Elisabetpacman shamurcami.

MIQUEAS 3:8

Ashtahuanpish ñucaca Jacobopac huahuacuna mana cazushcata, israelcuna juchallishcata huillangapacmi Mandac Diospac Espirituhuan, poderhuan cani. Paica cashcata ruhuacmi.

SAN MATEO 10:19

Mandaccunapacman japichicpica ama: ‘¿Imatashi nishun?’ nishpa, llaquiringuichicchu. Cancuna rimai callaricpica, Diosmi yuyaita cunga.

1 SAMUEL 10:10

Paicuna chai lomaman chayacpica, Dios ima nishcata huillac runacunami tandanacushpa Saulta tupangapac llucshirca. Chaipimi Diospac Espíritu jatun poderhuan Saulpacman shamucpi, paicuna shinallatac Dios ima nishcata huillai callarirca.

2 PEDRO 1:21

Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diospaclla cashcamantami Diospac Espiritullatac paicunata yuyaita cucpi rimarcacuna.

EZEQUIEL 3:11

Prezu tiyacuc cambac llacta gentecunaman uyachun, mana uyachun huillashpaca: “Mandac Diosca cashnami nin” ningui» nirca.

JEREMÍAS 6:11

Chaimantami can Mandac Dios piñarishca shinallatac ñucapish yallita piñarishpa, mana ricunayachini» nircani. Shina nicpimi, Mandac Diosca: «Ñanpi puricuc huahuacunatapish, tandanacushca mosocunatapish llaquichi. Cusapish, huarmipish, tauca huatayuc yuyacpish, prezu apashcami canga.

1 SAMUEL 1:14

Chashna yuyacushpami Elica: —¿Ima horascamantac machashcalla cagringui? ¡Vinota ubianataca ña saquiyari!— nirca.

HECHOS 2:3

Chaimantaca nina japirishpa pitiric shinami, tucui criccunapac jahuapi asha asha tiyarirca.

HECHOS 8:17

Chaimantami Pedropish, Juanpish chai criccunapac uma jahuapi maquita churacpica, Diospac Espirituta chasquircacuna.

HECHOS 10:47

Chaimantami Pedroca: —Cai runacunapish ñucanchic shinallatacmi Diospac Espirituta chasquincuna. Chaimanta paicuna bautizarichunca, pi mana jarcangachu— nirca.

HECHOS 15:8

Tucuipac shunguta yachac Diosmi mana israelcunamanpish Espirituta curca. Chashnami ñucanchicta chasquishca shina paicunatapish chasquirca.