HECHOS 2:36 - Dios Rimashcata Quillcashcami

³⁶ Chaimanta tucui israelcuna, caitaca alli yachaichic. Chai cancuna cruzpi chacatashca Jesusllatatacmi Diosca, Mandac cachunpish, Quishpichic Cristo cachunpish churashca» nirca.

Nuevo Testamento en Quichua Cañar 1996

³⁶ Chaimanta tucui israelcunami, caitaca alli yachana canguichic: Chai cancuna cruzpi chacatashca Jesusllatatacmi, Mandac cachunpish, Quishpichic cachunpish Taita Diosca churashca— nirca.

HECHOS 2:36 Referans Kwoze

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

EZEQUIEL 34:30

Chaimantami paicunaca Mandac Dios ñucaca paicunahuan cashcata, cutin israelcunaca ñuca acllashca cashcata yachangacuna. Mandac Dios ñucami chashna nini.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

SAN LUCAS 2:11

Cunanmi David huacharishca Belén pueblopi Quishpichic huacharishca. Paica tucuita Mandac, Quishpichic Cristomi.

JEREMÍAS 33:14

Mandac Diosca: Riquichic, israelcunaman, Judá llactapi causaccunaman, ñuca imata ruhuasha nishcata pactachina punzhacunami chayamugrin.

JEREMÍAS 31:31

Mandac Diosca: «Israel llactapi, Judá llactapi causaccunahuan ari nina punzhacunami shamugrin.

JEREMÍAS 9:26

Egipto llactatapish, Judá llactatapish, Edom llactatapish, Amón llactatapish, Moab llactacunapi causaccunatapish, shitashca pamba ladocunapi causaccunatapish tucuimi llaquichisha. Chai tucui llactapi causaccunami mana circuncisionta ruhuashcacuna. Shinallatac tucui israelcunami mana circuncisionta ruhuashca shina, mana alli shunguhuan causancuna» ninmi.

JEREMÍAS 2:4

¡Jacobopac huahuacunapura tucui israelcuna Mandac Dios rimashcata uyaichic!

EZEQUIEL 36:22

Chaimanta canca israelcunataca: “Mandac Diosca: Israelcunalla, shuctac llactapica jucha illac ñuca shutitaca yangapimi churarcanguichic. Chaimanta caitaca mana cancunamantachu ruhuagrini. Ashtahuanpish jucha illac ñuca shutimantami ruhuagrini.

EZEQUIEL 36:32

Mandac Dios ñucami nini: ¡Israelcunalla, caitaca mana cancunamantachu ruhuani! ¡Chaitaca allita yachaichic! ¡Cancuna mana allita ruhuashcamantaca cancunallatac pingarishpa upayaichic!

EZEQUIEL 45:6

Chai allpa ñaupapica israelcuna causachunmi anchomanpish, largomanpish chunga ishcai huaranga pichca patsac metrota allpa canga. Chaipimi huasicunata ruhuashpa causanga.

HECHOS 2:35

Canta piñaccunata cambac chaqui sarunapi churangacaman, canca ñuca alli maquiman tiyacuilla’ ninmi” nirca.

HECHOS 5:28

—¿Manachu ñucanchicca chai runamanta ama cutin yachachun mandarcanchic? Chashna nishca jahuami tucui Jerusalenpi yachachishcanguichic. Jesús huañushcamantapish ñucanchictami juchanchinguichic— nirca.