HECHOS 2:27 - Dios Rimashcata Quillcashcami

²⁷ Dioslla, ñuca almataca ucu pachapi cachunpish, cambaclla cuerpo ismuchunpish mana saquinguichu.

Nuevo Testamento en Quichua Cañar 1996

²⁷ Ñuca almataca ucu pachapi cachun, shinallatac cambaclla causacpac cuerpo ismuchunpish mana saquinguichu.

HECHOS 2:27 Referans Kwoze

SALMOS 16:10

Ñuca almata Seolpica mana saquinguichu. Cambaclla ñuca aichatapish mana ismuchun saquinguichu.

HECHOS 2:31

Davidca pai ricushca shinami Quishpichic Cristo causarinamanta, paipac cuerpo ucu pachapi mana saquirinamanta, paipac aicha mana ismunamanta ñaupaman huillarca.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 20:13

Huañushcacunataca mama cuchapish, huañuipish, hadespish paicuna imata ruhuashca shinallatac taripashca cachunmi llucchirca.

1 CORINTIOS 15:55

Huañui, ¿maipitac cambac poderca? ¿Maipitac nanachishpa, huañuchicca?» ninmi.

1 CORINTIOS 15:52

Shuc rato ñahuita quimllai shinallapimi, tucuri trompeta tocashpa uyaricpica, shuctacyachishca cashun. Trompeta uyaricpica, huañushcacunaca mana cutin huañungapacmi causaringa. Ñucanchicca shuctacyachishcami cashun.

SAN JUAN 11:39

Chaipimi Jesusca: —Rumita cutichichic— nirca. Shina nicpimi, chai huañushcapac pani Martaca: —Apunchic Jesús, pai huañushcaca ñami chuscu punzha, ashnacungami— nirca.

SALMOS 86:13

Canca ñucataca yallitami cuyac cangui. Seolpi ucuyanamantami ñucataca llucchircangui.

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca:

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.

SAN LUCAS 4:34

caparishpaca: —Nazaret pueblomanta Jesús, ¿canca imatatac ñucanchictaca nic shamungui? ¿Llaquichingapacchu shamungui? ¡Ñucanchictaca saquilla! Ñucaca canta ricsinimi. Canca Dios cachashca Jucha Illacmi cangui— nirca.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

MARCOS 1:24

—Nazaret pueblomanta Jesús, ¿ñucanchictaca imatatac ruhuagringuiyari? ¿Canca llaquichingapacchu shamungui? Canca Dios cachashca Jucha Illacmi cangui. Canta ricsinimi— nirca.

SAN MATEO 11:23

Capernaúm pueblopi causaccuna, ¿jahua pachaman rishunmi yuyanguichicchu? Ashtahuanpish ucu pachamanmi shitashca canguichic. Cancunapac pueblopi milagrocunata ruhuashca shina, Sodoma pueblopi ruhuashca cacpica, cunan punzhacamanmi tiyanman carca.

JONÁS 2:6

Urcu callarimanmi rircani. Allpaca huiñaimanmi ñucata tapashpa charicurca. Ñucata Mandac Dioslla, canmi ñuca causaitaca pambashcamanta llucchircangui.

SALMOS 116:3

Huañui llaquicunami pilluc shina japirca. Seolman rina llaquicunami ñucataca japirca. Llaquihuanpish, nanaihuanpish carcanimi.

SALMOS 89:19

Cambaclla runacunaman muscuipi shina ricurishpaca: «Shuc sinchi runatami ayudarcani. Ñuca acllashcapuramantami shuc runata jatunyachircani.

SALMOS 49:15

Ashtahuanpish ñucataca Seolmantami quishpichinga. Paimi ñucataca pushanga.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

HECHOS 3:14

Jucha illac, cashcata ruhuac Runata cacharichun ninapac randica, huañuchic runatami cacharichun nircanguichic.

SAN LUCAS 16:23

Chai chayuc runaca ucu pachapi llaqui nanaihuan cashpami, huichailla ricushpaca Abrahamtapish, paipac ladopi Lazarotapish ricurca.

SAN LUCAS 24:44

Micushca quipaca, Jesusca: —Ñucaca cancunahuan cashparacmi, Moisés mandashcacunapipish, Dios ima nishcata huillaccuna quillcashcacunapipish, Salmocunapipish ñucamanta huillashcacuna pactachunmi, chashnaca tucurca— nishpa huillarca.

HECHOS 2:26

Chaimantami ñuca shungupi cushicushpa, ñuca shimihuan cantani. Ñuca huañushca quipapish, Diostami shuyasha.

HECHOS 2:28

Huiñai causai ñantapish, canmi ricuchishcangui. Can ñucahuan cacpica, yallitami cushicuni” nishcami.