HECHOS 2:20 - Dios Rimashcata Quillcashcami

²⁰ Ñuca taripana jatun punzha manarac chayamucpimi, intica amsayanga, quillaca yahuar shina puca tucunga.

Nuevo Testamento en Quichua Cañar 1996

²⁰ Ñuca acllashca sumac jatun punzha manarac chayamucpimi, intica amsayanga, quillapish yahuar shina puca tucunga.

HECHOS 2:20 Referans Kwoze

2 PEDRO 3:10

Shina cashpapish Apunchic Jesús cutimuna punzhaca shuc shuhuac shamuc shinami canga. Jahua pachaca jatun manchanayaipac tulun nishca uyaricpimi chingaringa. Chaipi ima tiyaccunapish ninahuanmi tucuchishca canga. Shinallatac cai pacha allpataca, caipi tiyaccunandimi Dios taripashpa rupachinga.

AMÓS 8:9

Mandac Diosca: «Ñuca llaquichicui punzhapica, intica chaupi punzhami tigranga. Punzha pachami tutayanga.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

1 TESALONICENSES 5:2

Cancunallatac Apunchic Jesús shuc shuhuac tuta shamuc shina, mana yuyashca horas cutimuna cashcataca, alli yachanguichicmi.

MALAQUÍAS 4:5

Mandac Dios ñuca shamuna punzha, jatun mancharina punzha manarac shamucpimi, ñuca ima nishcata huillac Eliastaca cachani.

JOEL 2:1

Mandac Diosca: «¡Sión urcupi cornetapi tocashpa, caparishpa huillaichicyari!» ninmi. Mandac Dios llaquichina punzhami pactamun. ¡Tucui cai pachapi causaccunapish chucchuichicyari!

2 PEDRO 3:7

Shina cashpapish jahua pachapi, cai pachapi cunan ima tiyashcacunataca, chai rimashcallahuantacmi ninahuan tucuchingapac Diosca huacaichishpa charicun. Chai ninaca Dios taripashpa millaicunata llaquichina punzhapimi, rupachishpa tucuchinga.

SAN LUCAS 21:25

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.

MARCOS 13:24

Chai mancharina llaqui punzhacuna tiyashca quipaca, intipish amsayangami, quillapish mana achicyachingachu.

JOEL 3:14

Mandac Dios llaquichina punzhaca ñami chayamun. Pai taripana pugru pambapica, tiyu shina, gentecunami tandanacushca.

APOCALIPSIS 16:8

Chuscuniqui angelca intipimi pai charicushca copata tallirca. Chashnaca, inti ashtahuan rupacyashpa gentecunata rupachic cachunmi tallirca.

APOCALIPSIS 6:12

Suctaniqui sellota Pactalla Oveja pascacpica, allpami ima mundota chucchurca. Chaipica intipish yana churana shinami yana tucurca, quillapish pucayashpami yahuar shina tucurca.

1 CORINTIOS 5:5

Chaimanta chai huacllirishca runataca paipac aicha llaquichishca cachun, Satanaspac maquipi churaichic. Apunchic Jesús cutimui punzhapi chai runapac espirituta quishpichichunmi, chashnaca ruhuana canguichic.

SAN MATEO 27:45

Chaupi punzhamanta quimsa horas chishicamanmi, tucui cai pachaca amsayarca.

JEREMÍAS 4:23

Cai pachata ricucpica, llaquinayaita tucuchishca, imapish mana tiyarcachu. Cutin jahua pachata ricucpica, ima achicpish mana tiyarcachu.

ISAÍAS 34:8

Mandac Dios llaquichina punzhami chayamushca. Sionpi causaccunata llaquichishcamantami Edom llactapi causaccunata llaquichinga.

ISAÍAS 24:23

Quillapish pingangami, intipish musparingami. Chaica tucuita Mandac Diosmi Sión urcupi tiyac Jerusalenpi mandacunga. Pai acllashca pushac yuyaccunapac ñaupapimi sumaimana achic nicuc tiyacunga.

ISAÍAS 13:15

Maijanta japishpaca lanzahuanmi huañuchinga. Maijanta prezushpaca espadahuanmi huañuchinga.

ISAÍAS 13:9

Riquichic, Mandac Dios yallita llaquichina punzhami chayamucun. Paica nina japiric shina, piñarishpami shamunga. Chashnami cai pachata shitashca pambata shina ruhuashpa, cai pachamanta juchataca tucui tucuchinga.

ISAÍAS 13:10

Jahua pacha lucerocunapish, tandanacushca lucerocunapish, quillapish mana achicyachingachu. Intipish llucshishcahuanmi amsayanga.

JOEL 2:31

Mandac Dios ñuca cachashca jatun mancharina punzha manarac chayamucpimi, intica amsayanga, quillaca yahuar shina tucunga.

HECHOS 2:19

Jahua pachapica, mancharinacunatami ricuchisha. Cai pachapica, yahuarta, ninata, cushni puyutami ricuchisha.

HECHOS 2:21

Chaipica tucui ñuca shutipi mañaccunaca quishpiringami” ninmi.