HECHOS 19:33 - Dios Rimashcata Quillcashcami

³³ Chai tandanacushcacunapac chaupimantami, israelcunaca imallatapish nichun, Alejandrota tangashpa cacharcacuna. Chashna cachacpi, Alejandro tucui chaipi caccunapac ñaupapi shayarishpa, upallachun maquihuan señata ruhuashpa, rimanata munarca.

Nuevo Testamento en Quichua Cañar 1996

³³ Chai tandanacushcacunapac chaupimantami, israelcunaca*f** Alejandro runataca imallatapish nichun t'angashpa cacharcacuna. Chashna cachacpi, Alejandroca tucui chaipi caccunapac ñaupapi shayarishpa, maquihuan upallachishpami: “Ñucanchic israelcunaca mana jatarichishcanchicchu” ninata munarca.

HECHOS 19:33 Referans Kwoze

HECHOS 12:17

Pedroca upalla cachun, maquihuan señata ruhuashpami, Mandac Dios ima shina paita carcelmanta llucchishcata parlarca. Chashna parlashpaca: —Caitaca Jacobomanpish, caishuc criccunamanpish parlanguichic— nishpaca, chaimanta llucshishpa, shuc llactaman rircallami.

2 TIMOTEO 4:14

Fierrocunata allichishpa causac Alejandroca ñucata mana allita ruhuashpami llaquichirca. Pai chashna ruhuashcamantaca, Diosmi paitapish llaquichinga.

1 TIMOTEO 1:20

Chaicunaca Himeneo shinallatac Alejandromi chashna tucurcacuna. Paicunatami Diosta ama camishpa catichun nishpa, Satanasman curcani.

FILIPENSES 1:7

Shungupi cancunata charicushcamanta ñuca cashna yuyanaca allillatami. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Dios cushcamantami, ñuca shina alli huillaita huillacunguichic.

HECHOS 24:10

Chaimanta mandac Pablota maquihuan señata ruhuacpimi Pabloca: —Canca tauca huatacunatami cai llactata alli mandac cangui. Chaimantami mana manchashpa, rimasha nini.

HECHOS 21:40

Mandac huillachun saquicpica, chai gradapi Pablo shayarishpami, maquihuan señata ruhuashpa gentecunata upallachirca. Chai quipa hebreo rimaipi rimashpaca:

HECHOS 13:16

Chaimanta Pablo jatarishpa, upallachu maquihuan señata ruhuashpaca: —Israel huauquicunapish, Diosta manchac mana israelcunapish, caita uyaichic.

SAN LUCAS 1:22

Zacarías llucshishpaca, imata mana rimai pudishpami, ima tucushcataca señallahuan huillarca. Chaimantami canzhapi cac gentecunaca “Diospaclla chicanyachishca ucupimi imata ricushca canga” nishpa yuyarca.

HECHOS 19:34

Ashtahuanpish Alejandrotaca israelcunapura cashcata ricsishpami, tucui chaipi cac gentecunaca: «¡Efeso pueblopac Diana diosca jatunmi!» nishpa, ishcai hora shinata caparirca.